The Definitive Guide to Living in the Capital , Cairo , Egypt

American Reunion – لم الشمل

American Reunion: جزء ثامن لسلسلة شهيرة!

  • جيسون بيجز
  • رومانسيكوميدي
  • جون هوريتزجون هوريتز...
تم التقييم بواسطة
Mohamad Adel
قيم
قيم الآن
American Reunion: جزء ثامن لسلسلة شهيرة!

جزء جديد
من سلسلة أفلام American Pie
وطبعًا النصيحة لأي أسرة أن الفيلم ده مش عائلى خالص.. من الآخر للكبار فقط!

تفضل أجزاء
الفيلم السابقة والجريئة جدًا معلقة فى الذهن ويفضل الفيلم واقع أسير الأجزاء دي كترفيه،
وبالتالي محاولة إيجاد عيوب بـ تبقى صعبة لأن الحنين للأجزاء السابقة والفرحة
بالجزء الجديد طاغية أكثر.

طبعًا
تغييرات شملت الجزء ده منها زواج “جيم” و”ميشيل” وإنجابهم،
و”أوز” بـ يبقى مذيع ناجح لكن زواجه فاشل، في حين “كيفن”
المتزوج لسه أسير علاقته بحبيبته أيام الثانوية، ولسه “فينش” بطريقته
المعتادة في “الألاطة” غير الطبيعية، في حين أن “ستيفلر”
الواضح هو الوحيد اللي ما تغيرش، لدرجة أنه لسه داخله روح شباب الثانوية!

يتجمع
الأصدقاء في حفل بمثابة إعادة إحياء لم الشمل، لكن طبيعة الأمور والمفاجآت –زي
العادة– بـ تخلي لم الشمل كارثي بكل المقاييس، ومع أن الفيلم هنا يمثل لم شمل
أبطال الأجزاء السابقة، لكنه يعتبر رسالة لجمهوره بأنه بـ يلم شملهم مرة ثانية مع
أبطالهم المحبوبين.

الروح
واحدة، والتكنيك واحد، حتى الإفيهات شبه واحدة، لكن تفضل نكهة الروح الثانوية
غائبة عن الفيلم ده، خاصة أن أبطاله نفسهم حصل لهم تحول، وبقوا متزوجين، وبالتالي
محاولة الفيلم مناقشته لنفس مشكلات المراهقين في المرحلة دي فضلت بعيدة بعض الشيء،
وإن كانت المشكلات هنا منحصرة في مشكلات المراهقين الأمريكيين بطبيعة الحال.

عجبك ؟ جرب

الأجزاء السابقة السبعة من American Pie.

نصيحة 360

الملاحظ أن كل الأجزاء اللي فاتت تحمل اسم American Pie، الجزء الأول في عام 1999، والجزء الثاني في عام 2001، والثالث في عام 2003 وكان موضوعه The Wedding، والرابع موضوعه Band Camp في عام 2005، وفي عام 2006 هـ نلاقي الموضوع The Naked Mile، وعام 2007 الموضوع Beta House، لكن رجع في عام 2009 الموضوع كان The Book Of Love، ما عدا فيلمنا ده اللي بـ يحمل عنوان مختلف غير American Pie.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح