The Definitive Guide to Living in the Capital , Cairo , Egypt

Barely Lethal

Barely Lethal: الملل يتجسد فى فيلم

  • توماس مانجيسيكا ألبا...
  • إثارةحركة ومغامرات...
  • كايل نيومانكايل نيومان
تم التقييم بواسطة
Mohamed Hamdy
قيم
قيم الآن
Barely Lethal: الملل يتجسد فى فيلم

ما كناش حاطين أمل كبير على فيلم Barely lethal لكن المستوى المنحدر من السخافة والملل اللى شوفناهم فى الفيلم أذهلونا وجعلوا المستوى القليل من الأمل اللى كنا حاطينه كبير جدًا بالنسبة لخيبة الأمل اللى شوفناها فى قاعة العرض!

من إخراج كيل نيومان وتأليف جون أكرو بـ نشوف قصة العميلة الخاصة "ميجان" (هالي ستينفيلد) واللى تم تدريبها من سن صغير جدًا على الأعمال القتالية بقيادة المخضرم صامويل جاكسون، ثم بـ تتورط فى عملية إلقاء القبض على جاسوسة محترفة، وبعد العملية بـ تقوم بتزييف وفاتها واختلاق شخصية جديدة لنفسها، والتحاقها بأسرة جديدة وانخراطها فى الدراسة فى المدرسة الثانوية.

ميجان بدأت حياتها الجديدة اللى كان نفسها تعيشها من زمان بشكل طبيعي يتلائم مع سنها، لكنها بـ تكتشف أن الدراسة فى المدرسة الثانوية قد يكون أصعب من العمليات الخاصة! خصوصًا بعد انكشاف أمرها من المنظمة اللى كانت بـ تشتغل فيها، وسعيهم لإعادتها من جديد للعمليات الخاصة، القصة قد تبدو من بعيد قوية ومتماسكة، لكن بعد تنفيذها على الشاشة كان ممل وضعيف إلى أقصى درجة، ما ضحكناش ولو مرة واحدة، أو حتى على سبيل المجاملة! على الرغم من تصنيف الفيلم كفيلم كوميدى، وما جذبناش الأكشن فى الفيلم على الرغم من محاولة الفيلم عمل أكثر من مشهد طويل للأكشن بالإضافة لمشهد مطاردة بالسيارات كنا قاعدين نتابعه بنصف ذهن لأن الفيلم فشل حتى فى إثارة انتباهنا على أى صعيد.

الأداء التمثيلي للأبطال كلهم كان ضعيف ومترهل، بالإضافة للسيناريو اللى كان واقع جدًا ومترهل وفاشل فى تقديم أى جديد، حتى لو حاولنا نصنف الفيلم كفيلم مراهقين بـ يتكلم عن فترة الدراسة الثانوية ومحاولة الطلبة والطالبات الحصول على صديق/ صديقة لحفلة التخرج. إلى آخر كل التقاليد اللى حفظناها من الأفلام اللى بـ تلعب فى نفس المنطقة.

اختصارًا للكلام.. فيلم Barely Lethal فشل أنه يكون فيلم كوميدي، أو أكشن، أو حتى فيلم مراهقين، ما تدخلوش الفيلم حتى لو دفعوا لكم فلوس.

عجبك ؟ جرب

The Duff.

نصيحة 360

بدأ تصوير الفيلم في أطلانطا في ديسمبر 2013.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح