The Definitive Guide to Living in the Capital , Cairo , Egypt

Camp X-Ray

Camp X-Ray: السجن والسجان… والمسجون

  • بيمان مواديجون كارول لينش...
  • دراما
  • بيتر ساتلربيتر ساتلر
تم التقييم بواسطة
Mohamed Hamdy
قيم
قيم الآن
Camp X-Ray: السجن والسجان… والمسجون

فى واقع الأمر، فكرة العلاقة الإنسانية اللى بـ تقوم بين أشخاص على طرفى النقيض، مش فكرة جديدة ولا حاجة، شوفناها فى كثير من الأفلام الأقوى والأعمق من Camp X-Ray، لكن تظل الفكرة فى حد ذاتها جميلة وقابلة للتفكير والدراسة والتطويع فى أكثر من فيلم وبأكثر من شكل.

من تأليف وإخراج بيتر ساتلر، بـ نشوف كريستين ستيوارت وبيمان معادي، الأولى فى دور فتاة بـ تعمل كجندية سجانة فى سجن جوانتانمو، والثاني فى دور سجين بـ يقضى ثمانية سنوات من السجن فى المعتقل الأكثر شهرة فى العالم، والأكثر ضجة فيما يتعلق بأخبار التعذيب والاستجواب وظروف الاحتجاز غير الآدمية اللى بـ يتعرض لها المحتجزين به.

على الرغم من قوانين السجن الصارمة، وعلى الرغم من عدم معقولية وجود أى علاقة إنسانية بين الاثنين، إلا أن علاقة جميلة بـ تبدأ تتسرب بين السجين والسجانة، علاقة بـ تحدها السلوك الشائكة وبـ يقف فى وجهها الزجاج العازل! لكن مهما كانت العوائق والموانع، مافيش حاجة تقدر تقف أمام علاقة صداقة وتعاطف بـ تنشأ بين شخصين، وهى دى الرسالة الأساسية للفيلم.

على الرغم من أن المفروض أن الأداء التمثيلى للأبطال يكون أعظم ما يمكن، ويكون صاحب الفضل الأول لنجاح الفيلم، إلا أننا حسينا أن الأداء التمثيلى للأبطال لم يكن بالقوة اللى توقعناها، حسينا ببعض الملل خلال الأحداث، وعلى سبيل المثال مشهد التهديد بالانتحار، واللى كان المفروض أى اثنين ممثلين يوصلونا لذروة التعاطف والتوحد مع مشاعرهم كممثلين، لكن المشهد شعرنا فيه بكثير من المط والتطويل والجمل الحوارية المركبة اللى مش بـ تخرج من الناس العادية فى الأوقات العادية، ودي كانت سمة شبه عامة فى الحوار اللى حسينا أنه فى أغلبه ما كانش طبيعي.

على الرغم من كم الإسقاطات السياسية اللى كان ممكن تكون موجودة فى الفيلم، إلا أن القائمين عليه فضلوا الاهتمام بالجانب الإنسانى أكثر من الجانب السياسى ودى من الأمور اللى تحسب للقائمين على الفيلم واللى قدروا يهتموا بجانب قد يكون غير مهم للبعض، على حساب جانب آخر بديهي كان أى مخرج آخر هـ يشتغل عليه.

الموسيقى التصويرية على الرغم من قوتها فى بعض المشاهد، إلا أن بعض المشاهد الأخرى لم تكن بالقوة اللى توقعناها منها، وبشكل عام مع خروجنا من الفيلم ونهاية الأحداث، ما شعرناش أنها تركت بداخلنا أى انطباع يذكر.

لو كنت من عشاق الأفلام الإنسانية هـ يعجبك الفيلم، لكن لو متخيل أنه فيلم حربى أو فيه جرعة من الأكشن والغموض، ننصحك تشوف فيلم ثاني فورًا.

عجبك ؟ جرب

Dying of the light.

نصيحة 360

الفيلم استغرق 20 يوم فقط لتصويره، وهو وقت محدود جدًا بالنسبة لتصوير الأفلام.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح