The Definitive Guide to Living in the Capital , Cairo , Egypt

أفلام
Countdown

Countdown: مش أي أبليكيشن ننزله على موبايلاتنا

Countdown إليزابيث ليل جاستن ديك جوردان كالواي جون بيشوب
  • إليزابيث ليلجوردان كالواي...
  • رعب
  • جاستين ديك
  • في1 Cinema
تم التقييم بواسطة
Mohamed Hamdy
قيم
قيم الآن
Countdown: مش أي أبليكيشن ننزله على موبايلاتنا

 

فكرة الاعتماد على التكنولوجيا الحديثة في أفلام الرعب اللي طالعة جديد فكرة تستحق الإعجاب بصراحة، وده لإنها بتدينا فكرة عن تطور تيمات الأفلام مع تطور المجتمعات والتقنيات الحديثة، وهو ده اللي لعب عليه فيلم Countdown. لكن السؤال بقى، هل نجح؟

فيلم Countdown بيحكي عن أبليكيشن أو برنامج بينزل على الموبايلات، فكرته هي تحديد تاريخ موت كل واحد من اللي بيستخدموه، ومع قرب الوقت بيزيد شعور كل واحد بإن فعلًا النهاية قربت وبيبدأ يحاول يهرب من مصيره المحتوم.

 

 

على الرغم من أن قصة الفيلم مبتكرة إلى حد ما، لكن الأداء التمثيلي من “إليزابيث ليل” و”جون بيشوب” و”جوردان كالواي” وباقي أبطال الفيلم كان ضعيف، بس الحقيقة نقدر نقول إن ده مش ذنبهم، إنما ذنب التأليف والإخراج اللي كان على إيد “جاستين ديك” واللي فشل تمامًا في إنه يضيف أي أبعاد إنسانية على الشخصيات، وبالتالي حسينا إن مفيش حاجة تربط ما بيننا وما بين الشخصيات اللي بنتفرج عليها على الشاشة علشان نتعاطف معاها كجزء مهم من أحداث أي فيلم.

 

 

الأسوأ من كده إن “جاستن ديك” حاول يدي الفيلم رشة كوميديا مع شوية تشويق، لكن في النهاية الخليط ده كان مش مقنع نهائي، ويمكن السر في ده يرجع للميزانية القليلة للفيلم، واللي غالبًا كانت السبب في إن (ديك) مقدرش يخلي الفيلم يطلع بالشكل اللي هو عاوزه.

 

 

عجبك ؟ جرب

 سلسلة أفلام Final Destination

نصيحة 360

لو كنتم من محبي أفلام الرعب حتى لو كانت منخفضة الميزانية، ففيلم Countdown هيعجبكم، خاصةً إنه بيجمع بين التكنولوجيا الحديثة مع الرعب على شوية كوميديا.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح