The Definitive Guide to Living in the Capital , Cairo , Egypt

أفلام
Desierto

Desierto: العنصرية في أسوأ صورها

  • ألوندرا هيدالجوجايل جارسيا برنال...
  • إثارةدراما
  • جوناس كوارون
  • في1 Cinema
تم التقييم بواسطة
Mohamed Hamdy
قيم
قيم الآن
Desierto: العنصرية في أسوأ صورها

Desierto بالأسبانية تعني الصحراء… والناس اللي زارت الصحراء قبل كده كلهم بيحكوا إن تجربة الحياة هناك بتغير حياتهم للأبد.. الصحراء بتعلم الناس الصبر والهدوء.. بتعلم الناس التأمل في كل أمور الدنيا من حوالينا… لكن أحداث فيلم Desierto كانت بعيدة تمامًا عن كل ده!

الفيلم من إخراج جوناس كوارن، وبطولة ديبجو كاتانو، جايل جارسيا برنال، وجيفري دين مورجان، وبيحكي عن مجموعة من المهاجرين غير الشرعيين، واللي بيحاولوا يتسللوا للولايات المتحدة من خلال الصحراء الأمريكية المكسيكية.

المجموعة بتضطر للانقسام لفريقين علشان تقلل مخاطر عملية التسلل، خاصة بعد عطل السيارة اللي كانت بتنقلهم، لكن حظهم بيوقعهم في رجل عنصري مسلح ببندقية قناصة وكلب صيد… وبتبدأ عملية مطاردة شرسة بينه وبينهم.

بنعيب على سيناريو الفيلم أنه لم يوضح الدافع الأساسي وراء عملية الصيد، والعنصرية وحدها لم تكن كافية لتفسير أفعال الصياد الأمريكي، لكن أحسن ما في الفيلم أنه مش بيتركنا لثانية واحدة من الملل أو عدم القدرة على متابعة الأحداث.. بل شعرنا إننا فى نفس موقف الضحايا وبنعيش اللي بيعيشوه بالضبط.

الكاميرا كان لها نصيب الأسد من بطولة الأحداث.. واعتمد الإخراج عليها بشكل كبير سواء في مشاهد استعراض الطبيعة والصحراء الممتدة، أو حتى في مشاهد المطاردات اللي قدرت الكاميرا ترصدها أحيانًا كعين صقر بتبص على المشهد من أعلي، أو كشريك للشباب في محاولة الهرب من طلقات الصياد.

الأداء التمثيلي كان متميز، خاصة جيفري دين مورجان، وجيل جارسيا بيرنال، وكان من الواضح حجم المجهود البدني الشاق اللي قام به الممثلين علشان يقدموا لنا فيلم واقعي بيدور في منطقة صحراوية صعبة.

فيلم Desierto بيثبت إن صناعة التشويق مش محتاجة مؤثرات ضخمة أو ميزانيات بالملايين… كل اللي محتاجينه قصة مختلفة وجديدة وقوية، وأداء تمثيلي قادر على إقناعنا… ولا أنتم إيه رأيكم؟!

عجبك ؟ جرب

The Purge: Election Year

نصيحة 360

جيفري دين مورجان، وليو تمبل، شاركا في بطولة مسلسل The Walking Dead في مواسم مختلفة.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح