The Definitive Guide to Living in the Capital , Cairo , Egypt

Dirty Grandpa

Dirty Grandpa: فيلم ما ينفعش معاه أنصاف الحلول!

  • زاك إفرون
  • إثارةكوميدي
  • دان مازيردان مازير
تم التقييم بواسطة
Mohamed Hamdy
قيم
قيم الآن
Dirty Grandpa: فيلم ما ينفعش معاه أنصاف الحلول!

مشكلتنا الوحيدة مع الفيلم كانت أننا تقريبًا ما شوفناش الفيلم! الرقابة المصرية تكفلت بقطع معظم مشاهد الفيلم، وما اتبقاش لنا إلا خيط واهي من الأحداث مربوط ببعضه بشكل ضعيف جدًا.. برضه إحنا مش حابين نستعجل فى الهجوم على الرقابة لأننا ما شوفناش النسخة الكاملة من الفيلم، واللى نعتقد أن الإقبال عليها هـ يكون قوي جدًا من المصريين بالذات علشان بس نفهم الأحداث!

من إخراج دان ميزر وبطولة روبرت دي نيرو وزاك إيفرون بـ نشوف قصة شاب له طباع مختلفة شوية عن باقى الشباب، بـ ينطلق فى رحلة مع جده اللى بـ يقدر يخدعه ويخليه يشاركه فى رحلة مجنونة، الرحلة اللى بـ تاخد الأبطال وبـ تاخدنا فى عالم مجنون من الكوميديا والضحك المتواصل على مدار حوالى ساعتين هم مدة عرض الفيلم.

الحقيقة أن قصة الفيلم مش جديدة على الإطلاق، لكن الجديد هو أسلوب التمثيل ومستوى الكوميديا اللى كان صارخ، لكن للأسف كانت معظم المواقف الكوميدية فى الفيلم معتمدة على إيفيات أو تلميحات –وأحيانًا تصريحات- لها طابع جنسى بحت، الأمر اللى خلانا نحس أننا بـ نسمع نكتة قبيحة على سبيل المثال.. لا إحنا قادرين نمنع نفسنا من الضحك وفى نفس الوقت مش قادرين نرشح الفيلم لكل الأعمار.

روبرت دي نيرو عامل زي إزازة النبيذ القديمة.. كل ما يتقدم فى السن كل ما يزيد خبرة وقدرة على تأدية أى شخصية تطلب منه.. بداية من الأدوار الجادة وانتهاء بالكوميديا وده إن دل على شىء يدل على أننا أمام عفريت تمثيل حقيقي وأنه قادر على إقناعنا بأي دور يقوم به.

زاك إيفرون وعلى الرغم من تألقه هو كمان فى الأداء التمثيلي، إلا أن الحقيقة روبرت دي نيرو كان واكل الجو منه تمامًا، وكنا بـ ننتظر ظهوره على الشاشة بفارغ الصبر علشان يزود جرعة الكوميديا أكثر وأكثر بالنسبة لنا.

زى ما قولنا فيلم Dirty Grandpa بالنسبة لنا مش فيلم كامل لحد ما نقدر نشوف النسخة النهائية، واللى نعتقد أن معظم الفضائيات العربية هـ ترفض تعرضه كامل، لكن اللى شوفناه من الفيلم كفيل أنه يخلينا نقول أنه واحد من أفضل الأفلام الكوميدية خلال السنة.. وإن كانت القصة مكررة بعض الشىء.

عجبك ؟ جرب

Road Trip.

نصيحة 360

ده الفيلم الثاني اللى يقوم فيه زاك إيفرون بشخصية اسمها " جيسون" فى الفيلم اللى حصل على متوسط 5.8 من 10 على موقع IMDB وشارك فى التصويت حوالى 3000 مشترك.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح