The Definitive Guide to Living in the Capital , Cairo , Egypt

أفلام
Fist Fight

Fist Fight: حرب كوميدية بين إيران وإسرائيل؟

  • أيس كيوبترايسي مورجان...
  • كوميدي
  • ريتشي كين
  • في1 Cinema
تم التقييم بواسطة
Mohamed Hamdy
قيم
قيم الآن
Fist Fight: حرب كوميدية بين إيران وإسرائيل؟

مرحلة الدراسة الثانوية بكل اللي فيها من مشاكل وصداقات ومواقف كوميدية، أصبحت مادة خصبة لتقديم كتير من أفلام هوليود، ومن الواضح أن النوعية دي من الأفلام بتكون مضمونة النجاح، بسبب الشريحة العمرية اللي بتعتبر الشريحة الأكثر دخولًا للسينما في العالم وفي الولايات المتحدة الأمريكية.

فيلم Fist Fight من تأليف ماكس جرينفيلد، والسيناريو والحوار لإيفان سوسير، ومن إخراج ريتشي كين، وبطولة تشارلي داين، أيس كيوب، دين نوريس، وكريستينا هندريكس.

 

الفيلم بيحكي عن اليوم الدراسي الأخير في أحد المدارس الثانوية، والمتعارف عليه من الحيل والخدع اللي بيعملها الطلاب في المدرسين والمديرين في اليوم ده، لكن الأمور بتخرج عن السيطرة مع أحد المدرسين (أيس كيوب) اللي بيعتدي بعنف على أحد الطلبة، ونتيجة شهادة المدرس زميله (تشارلي داي) بيخسر كيوب وظيفته، الأمر اللي بيخليه يتوعد زميله بالضرب بعد نهاية اليوم الدراسي.

مع انتشار مواقع التواصل الاجتماعي بين الطلبة بيتم تناقل الخبر، ومجرد المقارنة الجسدية بين أيس كيوب وزميله بنعرف أن المنافسة محسومة من البداية.. لكن تشارلي داي بيحاول يقوم بكل المجهودات اللازمة علشان يهرب من المواجهة المحتومة.

من المشاهد المميزة في الفيلم مشهد المقابلة في غرفة الاجتماعات، والإسقاط السياسي الكبير اللي تمثل في جلوس أحد الأبطال في مقعد إسرائيل، والثاني في مقعد إيران، وحسينا ساعتها أن كل جملة حوارية مقصودة، وكل إيماءه وطريقة كلام كان الهدف منها توصيل هدف سياسي بحت في وسط الكوميديا.

fits-fight1

بالكلام عن الأداء التمثيلي، لازم نشيد بموهبة تشارلي داي، وقدرته المتميزة على تقديم كوميديا رائعة بتخلينا مش قادرين نمسك نفسنا من كتر الضحك.. داي قدم قبل كده أدوار متميزة في أفلام زي سلسلة أفلام Horrible Bosses وVacation وغيرها من الأفلام.. وبيساعده بنيانه الجسدي المضحك وطريقته في الكلام ونبرة صوته علشان يقدم مواقف كوميدية متميزة.

أيس كيوب وعلى الرغم من بنيانه اللي مالوش علاقة بالكوميديا ويصلح أكتر لأغاني الراب أو أفلام الأكشن، إلا أنه كمان قدر يقدم أداء كوميدي متميز، لكن بنعيب على سيناريو الفيلم نفسه أنه مكانش فيه مساحات كوميدية واسعة يقدر النجوم يقدموا من خلالها أفضل ما عندهم.. تصميم المواقف الكوميدية نفسه كان محتاج مراجعة وشغل أكتر من كده.

الديكور لعب دور مهم في الأحداث، خاصة ديكور المدرسة الثانوية اللي بتدور فيه معظم الأحداث، واللي قدر ينقل لنا مواقف الفيلم الكوميدية بصدق وقوة، لكن الموسيقى التصويرية كان نفسنا تكون على نفس مستوى الديكورات، وعلى الرغم من قوتها لكنها كانت محتاجة تكون أقوى وأكتر حماسة، خاصة أن الفيلم بيستهدف فئة المشاهدين المراهقين والمتحمسين.

Day_23_FF_20151028_0291.dng

فيلم Fist Fight مناسب للمشاهدة في نهاية الأسبوع، بيقدم جرعة متوازنة من الكوميديا. كان نفسنا تكون أكتر من كده شوية.

علشان تبقي عارف:

الفيلم يعتبر أول فيلم يخرجه (ريتشي كين).

تقييم الفيلم على موقع IMDB 5.9 من 10 وشارك في التقييم حوالي 2000 مستخدم للموقع.

عجبك ؟ جرب

Road Trip

نصيحة 360

الفيلم يعتبر ثاني فيلم يتعاون فيه النجمان (آيس كيوب) و(تراسي مورجان) بعد تعاونهما في فيلم (First Sunday) من إنتاج عام 2008.

user pic
Mohamed Hamdy

.

أكتب تقييم

One thought on “Fist Fight: حرب كوميدية بين إيران وإسرائيل؟

أضف تعليقاً

برجاء تسجيل الدخول لكي تتمكن من اضافة تعليق.

مقترح