The Definitive Guide to Living in the Capital , Cairo , Egypt

كيف قضيت أجازتي الصيفية – How I Spent My Summer Vacation

Get The Gringo (How I Spent My Summer Vacation): الجريمة مفيدة أحيانًا!

  • ميل جيبسون
  • حركة ومغامراتدراما...
  • أدريان جرونبيرجأدريان جرونبيرج
تم التقييم بواسطة
Mohamad Adel
قيم
قيم الآن
Get The Gringo (How I Spent My Summer Vacation): الجريمة مفيدة أحيانًا!

في لحظة فارقة بأحداث
الفيلم نفسه نشوف اللص الأمريكي واللي اتقبض عليه من جانب السلطات المكسيكية علشان
يودعوه سجن غريب من نوعه، يبص على السجن المكسيكي، المنقسم لقسمين: قسم بـ يعيش
فيه اللصوص الكبار معاملة رجال الـ VIP في أي مكان محترم، والقسم –اللي
هو فيه– اللي أقرب لحياة العشوائيات، وطبعًا الهدف من القسم الفقير هو خدمة قسم
السادة الأغنياء!

في اللحظة دي يبقى
للفيلم معنى أكبر من اللي إحنا توقعناه في البداية –مشاهد مطاردات البوليس للص
الأمريكي ومساعده الميت واللي لابسين أقنعة بلياتشو!– واللي بـ يمهد لده هو قدرة
اللص الأمريكي ومساعده على اجتياز الحدود “الأمريكية – المكسيكية”، هنا
السلطات الأمريكية تطلب تسليم اللص ومساعده لهم، لكن مع اكتشاف السلطات المكسيكية
لأن مع اللص الأمريكي ومساعده فلوس كثيرة جدًا، تعدي حاجز الملايين، هنا الموقف يتغير
وتصر السلطات المكسيكية على إيداع اللص الأمريكي السجن عندهم، وطبعًا الحصول على
المبلغ الكبير بدون الإبلاغ عنه الجهات المختصة!

باختصار النجم
الأمريكي ميل جيبسون يلخص هنا معنى الحياة اللي بـ نعيشها، سواء أمريكا أو المكسيك
أو غيرها، علشان كده بـ يعترف في تتابعات النهاية من الفيلم أن السرقة مجرد
“انحراف عن المسار” مش أكثر، وطبعًا المعنى مفهوم جدًا.

لكن تفضل بلورة
المعنى الكبير والعميق نوعًا ما تائه في تفريعات تؤدي بالفيلم إلى قراءات ثانية،
زي احتياج “خافي” -المسجون الغني، واللي بـ يشغل عائلته كمشرفين على
السجن!– لكبد جديد من طفل مكسيكي، عنده 10 سنوات، أصبح على علاقة هو و والدته
باللص الأمريكي، واللي طبيعي بـ يواجه “خافي”، هنا الشعور بالاحتياج،
والحاجة لوجود الظهر والسند، زي تأثر الطفل المكسيكي بموت والده، وما يلاقيش غير
اللص الأمريكي يعوضه عنه، في الجانب الآخر تتوه تفريعات لشخصيات ثانية زي شخصية
مأمور السجن مثلاً -واللي ظهر في لقطات محدودة– لأنه وجود يبلور المعنى المراد من
الفيلم توضيحه في بداية المقال، أو مثلاً استكمال الفيلم في تتابعات ما قبل
النهاية لمحاولات اللص الأمريكي قتل أحد الحرامية الكبار علشان عاوز يرجع الفلوس
اللي اللص سرقها منه!

يفضل الفيلم تائه في
بلورة معناه الأساسي، لكن يفضل المجهود واضح، خاصةً في عنصر التصوير، واللي لعب
على فقر الصورة بحرفية شديدة علشان يؤكد على فكرة وحدة اللص الأمريكي في سجن
مكسيكي حقير، مقارنتها بمقابلة اللص الأمريكي لأحد الحرامية الكبار في مكتبه بأحد
المباني الضخمة، واللي بمقارنتها بالسجن المكسيكي، نكتشف قد إيه الحياة فيها
مفارقات غريبة، الغنى الفاحش بجانب الفقر!

عجبك ؟ جرب

The Shawshank Redemption.

نصيحة 360

الفيلم أخد تصنيف (R) بسبب احتواءه على مشاهد عنف ودم كثيرة، كمان لاستخدامه ألفاظ سيئة، وفيه مشاهد لها علاقة بالمخدرات والدعارة.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح