The Definitive Guide to Living in the Capital , Cairo , Egypt

Hansel and Gretel: Witch Hunters

Hansel & Gretel: Witch Hunters: الإخلاص للمغامرة

  • بيتر ستورميرجيريمي رينر...
  • إثارةحركة ومغامرات...
  • تومي ويركولاتومي ويركولا
تم التقييم بواسطة
Mohamed Hamdy
قيم
قيم الآن
Hansel & Gretel: Witch Hunters: الإخلاص للمغامرة
قصة كلاسيكية من إخراج تومى وركولا وبطولة جيرمى رينر، جيما أرتيرتون وغيرهم، بـ يحكى الفيلم على مدار ما يقارب 90 دقيقة عن هانسل وجريتل اللى بـ يعملوا كصيادين باحثين عن الجوائز ضد مجموعة من الساحرات الأشرار.
ما أكثر الأفلام اللى بـ تتكلم عن صائدى الجوائز Bounty hunters، لعل آخرها وأشهرها كان فيلم Django unchained، وما أكثر الأفلام اللى بـ تتكلم عن الساحرات وعالم السحر والخيال، لكن أننا نشوف الفكرتين امتزجوا فى فيلم واحد، ده اللى يعتبر جديد، وده من ضمن العناصر الإيجابية اللى ممكن نحسبها للفيلم والقائمين عليه.

الجميل فى إخراج وركولا أنه قدر يخرج بره الإطار القديم لأفلام الساحرات وصيد الجوائز، وطعم فيلمه ببعض المواقف الكوميدية اللى خرجت المشاهد بره المود الكلاسيكى للفيلم والحكاية، مشاهد المغامرات والمطاردات كمان كان لها وقع كويس فى نفوس المشاهدين ونقدر نقول أنها من العناصر اللى تحسب للفيلم والقائمين عليه.
لكن اللى نقدر نأخذه على الفيلم بعد ما ذكرنا الحسنات والمميزات فيه، أن ارتباطه ببعض التيمات الكلاسيكية كان عالى جدًا زى قصة الحب اللى بـ نشوفها بين إدوارد جريتل رجعتنا بالذاكرة لقصة كلاسيكية ثانية هى (الجميلة والوحش) اللى تم تقديمها من سنوات طويلة، كمان قصة الحب بين هنسيل ونينا أعطتنا إيحاء قوى أننا بـ نتفرج على فيلم كلاسيكى آخر، بعيدًا عن قصة الساحرات وصيد الجوائز.
اللى حسيناه فى نهاية الفيلم أن المخرج بـ يحاول يقدم حالة من التوازن بين تقديم قصة كلاسيكية بشكل جديد، وأنه يقدم فيلم جديد ومبهر فى نفس الوقت، وبمناسبة الكلام عن الإبهار حابين نقول أننا شوفنا كثير من المشاهد المبهرة، وأن أنفاس المشاهدين بشكل عام كانت محبوسة فى كثير من مشاهد الفيلم، خصوصًا مشاهد المطاردات وقتل الساحرات، ودى كمان من المميزات اللى لازم نحسبها للفيلم.

أفلام السحر والساحرات والعالم الجميل –والمرعب أحيانًا– ورائهم، لسه فيه تيمات كثير ما تمش الكلام عنها، هوليود عودتنا طوال الوقت أنها ممكن تحول قصة كلاسيكية لعدة نسخ غير متشابهة من الأفلام، هل ده اللى قدرت هوليود تقدمه من خلال Hansel & Gretel: Witch Hunters؟ إحنا قولنا اللى عندنا، يا ريت تشاركونا فى المناقشة عن الموضوع ده برأيكم ومعلوماتكم فى التعليقات.

عجبك ؟ جرب

The Twilight Saga: Breaking Dawn.

نصيحة 360

تم تصوير الفيلم فى عدة أماكن منها بابلسبيرغ، بوتسدام، براندنبورج، ألمانيا، ووصلت ميزانية الفيلم اللى استغرق عرضه حوالى 90 دقيقة 60 مليون دولار.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح