The Definitive Guide to Living in the Capital , Cairo , Egypt

أفلام
Haunt

Haunt: فيلم رعب ضعيف

  • إيلا هاريسجاكي ويفر...
  • رعب
  • ماك كارترماك كارتر
  • في1 Cinema
تم التقييم بواسطة
Mohamed Hamdy
قيم
قيم الآن
Haunt: فيلم رعب ضعيف

المفروض أن تجربة مشاهدة فيلم رعب فى السينما تكون مشوقة، المفروض يكون عندنا إحساس بالترقب ويدق قلبنا بشغف مع تتالي المشاهد على الشاشة، لكن الحقيقة اللى أصبحنا نشوفها مؤخرًا فى دور العرض أن فعلاً أفلام الرعب أصبحت مجرد نسخ مكررة من بعضها البعض بشكل يبعث علي الملل والزهق أكثر ما يبعث على المتعة والإثارة.

من تأليف أندرو بارر وإخراج ماك كارتر بـ نشوف قصة اكتشاف ولد وبنت في سن المراهقة حقيقة الأحداث المؤسفة اللى خلت المنزل اللي بـ ينتقلوا إليه حديثًا مسكون بالأشباح.

زى ما قولنا قصة الفيلم مكررة، أو زى ما قال أحمد مكي فى أحد أفلامه (القصة دى اتهرست فى ألف فيلم قبل كده) بالتالى كان أملنا الوحيد فى العناصر المتعلقة بالإبهار والمؤثرات الخاصة والخدع السينمائية، وباقى العناصر اللى ممكن تخلى مشاهدتنا للفيلم أفضل.

لكن للأسف حتى العناصر دى ما كانتش بالقوة اللى كنا متخيلينها، أو يمكن إحنا كنا متوقعين أن بما أن القصة مكررة العناصر دى تكون أكثر إبهارًا وتطورًا، ويبدو أن ده كان قصد القائمين على الفيلم، لكن النتيجة النهائية كانت إحساس عام تسرب لنا أن الفيلم مصنوع بالكامل بمؤثرات الجرافيك وتدخلات الكمبيوتر فى تقنيات صنع الفيلم، الأمر اللى جعلنا ما نقتنعش إطلاقًا بمشاهد ظهور الأشباح أو الكائنات اللى الفيلم معتمد عليها.

الأداء التمثيلى للأبطال كان لا بأس به، لكن برضه كنا نتوقع أكثر من كده، على الرغم من رغبة صناع أفلام الرعب فى هوليوود بصفة عامة أنهم يستعينوا بأبطال من المراهقين أو النجوم اللى لسه وشهم ما اتحرقش على الشاشة فى عدد ضخم من الأعمال لتحقيق المرغوب من تأثير الرعب على المشاهدين، بالتالى نقدر نقول أن أداء الأبطال كان متوافق مع خبراتهم السينمائية بشكل عام.

Haunt فيلم رعب ضعيف، تقدر تشوفه لو كنت من محبى أفلام الرعب بصفة عامة، لكن لو بـ تدور -زينا- على فيلم رعب له طابع مختلف أو أحداث جديدة، انتظر معانا لأننا إحنا كمان مش عاجبنا سلسلة أفلام الرعب اللى بـ تنتجها هوليوود فى الوقت الراهن.

عجبك ؟ جرب

The Quiet Ones.

نصيحة 360

الفيلم له اسم ثاني هو Haunter.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح