The Definitive Guide to Living in the Capital , Cairo , Egypt

أفلام
Joy

Joy: قصة المعاناة والنجاح

  • برادلي كوبرجينيفر لورانس...
  • دراماكوميدي
  • ديفيد أو. راسلديفيد أو. راسل
  • في1 Cinema
تم التقييم بواسطة
Mohamed Hamdy
قيم
قيم الآن
Joy: قصة المعاناة والنجاح

خلاص بقينا حافظين القاعدة.. فى الوقت القريب من حفلات الأوسكار بـ يبدأ التكثيف لعرض أفلام مقتبسة عن قصص حقيقية لمداعبة لجان التحكيم المسئولة عن منح الجائزة، واللى ثبت بالدليل القاطع أنها بـ تفضل تعطي الجايزة للأعمال المقتبسة عن قصص حقيقية، Joy واحد من الأفلام اللى بـ تداعب الأوسكار وخيال القائمين على جوائزها.. هل هـ ينجح؟

الفيلم من تأليف وإخراج ديفيد أو. راسيل عن قصة أني مومولو اللى بـ تحكي قصة سيدة الأعمال جوي مانجانو اللى بـ تنشأ فى أحد المنازل اللى فيها مشكلات عائلية متشابكة ومتداخلة، بـ يتم التعرض لها فى الربع الأول من الفيلم، بشكل كوميدي فى مجمله لكن فى بعض اللمحات بـ يكون شديد التراجيدية والخصوصية، وده كان المميز فى الفيلم وهى قدرته على التحول فى المشاعر 180 درجة خلال حوالى ساعتين هى مدة عرض الفيلم.

الفيلم من بطولة جينيفر لورانس ابنة هوليوود المولودة –فنيًا- وفى فمها معلقة ذهب! بداية من مشاركتها فى سلسلة أفلام The Hunger Games واللى عُرض آخر جزء منها مؤخرًا، ونهاية باختيارها لفيلم اليوم اللى نال آراء نقدية قوية وإيجابية، وهـ يكون لاعب أساسي فى الأوسكار.

بـ يشارك فى البطولة روبرت دي نيرو واحد من أفضل ممثلي العالم، وبـ يقوم بدور متناسب مع شكله وسنه كزوج غريب الأطوار، ومساهم أساسي فى تشكيل شخصية Joy اللى هـ تنضج بعد كده وتقتحم عالم المال والأعمال من أوسع أبوابه.

الديكورات والموسيقى التصويرية كانت من العوامل القوية فى الفيلم واللى خلتنا نعطي الفيلم تقييم أعلى، بداية من الأجواء الحميمية الدافئة فى المشاهد الافتتاحية ونهاية باختيار كل قطعة من الديكور كلوحة فنية معبرة عن الجو العام للفيلم فى الوقت ده.. وما ننساش خدمة الموسيقى التصويرية والديكور للمشاهد اللى لها طابع الأحلام فى الفيلم واللى قدر المخرج يقدمها بشكل جميل واستثنائى.

الفيلم على الرغم من بساطة قصته محتاج تركيز شديد وتدقيق فى التفاصيل، وبـ نعتقد أن اللى دخله مرة ممكن يحتاج يدخله ثاني لمزيد من الاستمتاع والتدقيق فى بعض التفاصيل اللى ممكن تكون مش واضحة فى المشاهدة الأولى للفيلم، ولسه ياما فى جراب الأوسكار من آلاعيب!

عجبك ؟ جرب

Little Miss Sunshine - The Wolf of Wall Street.

نصيحة 360

الفيلم يعتبر التعاون الثالث بين روبرت دى نيرو وجينيفر لورانس والمخرج ديفيد أو. راسل بعد فيلمي  Silver Linings PlaybookوAmerican Hustle.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح