The Definitive Guide to Living in the Capital , Cairo , Egypt

Jurassic World

Jurassic World: محاولة غير مُجدية لإعادة إحياء الديناصورات

  • برايس دالاس هواردعرفان خان...
  • ثلاثي الأبعادحركة ومغامرات...
  • كولين تريفوروكولين تريفورو
  • في1 Cinema
تم التقييم بواسطة
Mohamed Hamdy
قيم
قيم الآن
Jurassic World: محاولة غير مُجدية لإعادة إحياء الديناصورات

النجاح الساحق اللى حققته سلسلة Jurassic Park شجعت المخرج كولين تريفورو على إعادة إحياء السلسلة وتقديم فيلم جديد، لكن الإبهار الأصلي في السلسلة القديمة كان أقوى بمعايير الزمن اللى تم تقديمها فيه، كما أن الأداء التمثيلي لأبطاله كان أقوى من أبطال الفيلم اللى قام ببطولته كريس برات، برايس دالاس هوارد، عرفان خان وفينسنت دونوفريو.

الفيلم بـ يحكي عن إعادة افتتاح حديقة الديناصورات، باستخدام ديناصورات تم ابتكارها من خلال هندسة الجينات، الأمور كلها بـ تمشي بشكل كويس ومنطقي –لكن كلنا عارفين أنها هـ تتحول لكارثة بعد شوية– لحد ما بـ ينجح أحد الديناصورات المعدلة جينيًا من ابتكار حيلة وإيهام البشر بهروبه من الحديقة، لكنه في الحقيقة كان موجود وبـ يخطط للانتقام من الجميع… بغرض التسلية.

مشكلة النصف الأول من الفيلم أن جزء هدوء ما قبل العاصفة بـ يأخذ وقت طويل من زمن الفيلم، كلنا عارفين أن الهدوء ده مش هـ يستمر كثير فكان لازم المخرج يدخلنا في الأحداث بسرعة، لكن البطء في السيناريو في المرحلة دي كان الهدف منه -في رأينا- زيادة زمن الفيلم على الرغم من تأثيره السلبي على مستوى التشويق.

بعض المشاهد وجمل الحوار في الفيلم ممكن تضايق المشاهدين المتحفظين دينيًا، وخصوصًا الكلام عن "ابتكار" الديناصورات من الحمض النووي، والأصل هنا في كلمة ابتكار هي "خلق" الديناصورات، لكن الترجمة كانت أكثر تحفظًا في بعض المشاهد، لكن بشكل عام الفيلم مناسب لكل أفراد الأسرة، وما لاحظناش أي مشاهد حميمية أو جنسية أو مشاهد تعاطي خمر أو مخدرات، يمكن بعض الشتايم اللى ممكن تضايق البعض لكن برضه لاحظنا أن الأطفال والشباب اللى شاهدوا معانا الفيلم خرجوا مبسوطين وراضيين تمامًا.

الإبهار في الفيلم كان عالي ومتميز، مشاهد الصراع بين الديناصورات وبعضها كانت قوية ومؤثرة، وخصوصًا المشاهد اللى بـ يظهر فيها ديناصورين بـ يتصارعوا ثم بـ يتدخل وحش ثالث أقوى وأكبر حجمًا لحسم الصراع في اللحظة الأخيرة، دي من المشاهد اللى كتمت أنفاسنا، واللى تم توظيف التقنيات السينمائية العالية في الإبهار فيها بشكل متميز ومؤثر وقوي.

ديكورات الحديقة والغابات كانت قوية، كمان الموسيقى التصويرية كانت مؤثرة ومتوافقة مع تسلسل الأحداث لحد كبير، لكن يعيب الفيلم زي ما قولنا الملل في النصف الأول، والاهتمام بالإبهار على حساب الدراما والقصة وباقي أحداث الفيلم.

Jurassic World مناسب لكل أفراد العائلة، بعيدًا عن الملل تقدروا تستمتعوا بالإبهار ومشاهد الديناصورات من خلال مغامرة جديدة.

عجبك ؟ جرب

أجزاء السلسلة السابقة.

نصيحة 360

ميزانية الفيلم زادت عن 200 مليون دولار!

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح