The Definitive Guide to Living in the Capital , Cairo , Egypt

أفلام
Mad Max: Fury Road

Mad Max: Fury Road: ليلة ساخنة فى الجحيم!

  • تشارليز ثيرونتوم هاردي...
  • إثارةحركة ومغامرات
  • جورج ميللرجورج ميللر
  • في1 Cinema
تم التقييم بواسطة
Mohamed Hamdy
قيم
قيم الآن
Mad Max: Fury Road: ليلة ساخنة فى الجحيم!

إحنا بـ نحب وبـ نشجع الأفلام اللى بـ تخلق عالم كامل من أحداثها، عالم مختلف وبـ يشتغل بقوانينه الشخصية وقوانين شخصياته الغريبة وأماكن تصويره الأغرب! فيلم زي John Wick مثلاً خلق عالم كامل من حياة المجرمين وفندق له قوانين خاصة بالمشتغلين بعالم الجريمة، وإقبال المشاهدين كان خيالي.

فيلم Mad Max في إعادة إصداره بعد الفيلم اللى تم تقديمه في أواخر السبعينيات خلق عالم كامل من الجنون المختلط بالنيران وانعدام الماء في بيئة صحراوية، الباقي كله كان مجرد تفاعلات العالم الغريب ده مع بعضه، ورصد ده بكاميرا المخرج المتميز جورج ميلر.

الفيلم بـ تدور أحداثه زمنيًا في المستقبل البعيد للأرض، الماء تحول لعملة نادرة بـ يتحكم فيها مجرم مختل بـ يعيش آخر أيامه، بـ يوعد رجاله بالجنة لو ماتوا في سبيله، وبـ يحاول ينقذ ذريته من لعنة أنه بـ يخلف أولاد مشوهين شكلًا وجسديًا، لكن كل الأحداث بـ تنقلب رأسًا على عقب لما بـ تهرب مجموعة من زوجاته ومنهم واحدة حامل في طفل سليم- مع البطلة تشارليز ثيرون واللي ظهرت صلعاء تمامًا خلال أحداث الفيلم! وبيد صناعية كمان!

فين ماكس في الكلام ده كله؟! مربوط في أحد البدرومات العفنة، بـ يستعملوه ككيس دم متنقل للحفاظ على حياة رجال الحرب اللي بـ ينطلقوا في مطاردة مع ثيرون في الصحراء المفتوحة، لكن الأحداث بـ تنقلب لما بـ يقدر ماكس (توم هاردي) أنه يحرر نفسه ويبدأ في قلب دفة الصراع المجنون لحسابه.

الفيلم بـ ينتصر طوال أحداثه للجنون المُطلق، ومشاهد الأكشن الجميلة ما قبل اختراع المؤثرات الخاصة اللي ما تمش استخدامها سوى في حوالي 20% من أحداث الفيلم، وتم الاعتماد على ممثلي المشاهد الخطرة (الدوبلير) وبعض مشاهد الأكروبات لتنفيذ باقي مشاهد الأكشن اللى ممكن نقسمهم لمعركتين طويلتين، قدرت المعركة الأولى فيهم أنها تلقي الرعب فى قلوبنا فعلًا!

هل بـ يحمل الفيلم إسقاط سياسي أو ديني؟ مش بـ نحب نحمل الأمور أكثر من حجمها، لكننا حسينا برسالة مستترة من وراء الأحداث -خصوصًا رسالة دينية- عاوز صناع الفيلم يوصلوها للمشاهدين، خصوصًا مشاهد العمليات الانتحارية اللي بـ ينفذها رجالImmortan Joe طوال الأحداث.

عرض الفيلم بتقنية الـ3D ما كانش مفيد في أي شىء سوى في زيادة ثمن التذكرة، زيادة مستحقة لتعويض المدفوع في الدعاية غير المسبوقة اللي صاحبت عرض الفيلم، واللي تضمنت عرض مشهد طويل من الأحداث كأعلان مدفوع بالإضافة لإعلان الفيلم نفسه اللي جعلنا ننتظر الفيلم بفارغ الصبر.

الموسيقى التصويرية لعبت دور مهم جدًا في الأحداث، والتصوير في الصحراء الممتدة أصابنا بحالة من العطش جعلتنا عاوزين نشرب مياه طوال أحداث الفيلم، وقدر القائمين على الفيلم يوصلوا لنا الإحساس بقلة الماء بشكل كبير، خاصة لما عرفنا أن الفيلم تم تصويره بنفس تتابع المشاهد بتاعته على الشاشة، الأمر اللي يعرفنا المجهود الكبير اللي تم بذله فى الفيلم.

Mad Max فيلم متميز وقوي ومحتاج دماغ "مطرقعة" علشان تشوفه… وأكيد زجاجة مياه.

عجبك ؟ جرب

Mad Max 1979.

نصيحة 360

كان المفروض يتم تصوير الفيلم في 2003 لكن الظروف الأمنية في صحراء نامبيا حالت دون تصوير الفيلم.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح