The Definitive Guide to Living in the Capital , Cairo , Egypt

Mission: Impossible – Rogue Nation

Mission: Impossible – Rouge Nation: جزء جديد من سلسلة عظيمة

  • توم كروزجيريمي رينر...
  • إثارةحركة ومغامرات...
  • كريستوفر ماكواريكريستوفر ماكواري
تم التقييم بواسطة
Mohamed Hamdy
قيم
قيم الآن
Mission: Impossible – Rouge Nation: جزء جديد من سلسلة عظيمة

إحنا من أشد المعجبين بسلسلة أفلامMission Impossible ، بالتالي كان لازم نفصل مشاعرنا الشخصية ناحية السلسلة ونحاول نخبي إعجابنا الشخصي بكل تفاصيلها، في مقابل تقديم مقال نقدي متوازن وقادر على رصد الإيجابيات والسلبيات الخاصة بالجزء السادس والأحدث من سلسلة Mission Impossible.

الفيلم من إخراج كريستوفر ماكوري وبطولة توم كروز في دور عميل المخابرات الأمريكي إيثان هانت، واللى بـ يقود فريق من الأفراد المحترفين والمتخصصين في مهمة جديدة ومشوقة.

الفيلم بـ يبدأ من نهاية الجزء الخامس واللى بـ نشوف فيه إيثان بـ يتلقى فيه تعليمات بضرورة تعقب جماعة إرهابية اسمها "النقابة"، واللى بـ تحاول تهرب مجموعة من أسلحة الدمار الشامل على متن طائرة بـ يتعرض لها إيثان وبـ ينجح في إنقاذ الشحنة في اللحظات الأخيرة، لكن النقابة بـ تتعقبه وبـ تحاول تدمره تمامًا قبل ما يدمرها.

كل الأحداث دي بـ تتم بينما بـ يتم التنصل من إيثان وفريقه تمامًا من قبل الحكومة الأمريكية، الأمر اللى بدأ مع الجزء السابق من السلسلة "Ghost Protocol" واللى بـ يتم فيه كمان التنصل من إيثان وفريقه، وبـ يكون عليه أنه يشتغل معتمدًا على نفسه.

السيناريو كان مرتبط جدًا بالنمط العام للسلسلة.. القصة كمان ما كانش فيها تغيير عن باقي الأجزاء السابقة.. كل القصص بـ تعتمد على فكرة شرير بـ يهدد هانت بشىء معين وبـ يضطر أنه يستمر معاه للنهاية علشان يقدر ينتصر عليه هانت من خلال الاستعانة بفريق المهام المستحيلة.

إخراج مشاهد الأكشن كان قوي ومتعوب عليه، خاصة مشاهد المطاردة بالسيارات والدراجات البخارية، حتى مشاهد القفز في الماء حسينا فيها فعلًا بكتم أنفاسنا، لكن لا عزاء للمنطق اللى تمت هزيمته تمامًا أو اختفاؤه من الفيلم بالكامل تقريبًا.. لكن مين قال أننا بـ نبحث عن المنطق في أفلام المهمة "المستحيلة"؟!

توم كروز على الرغم من تقدمه في السن إلا أن أداؤه كان رائع، وتجسيده وإحساسه بالشخصية ما اتغيرش كأنه لسه في أول جزء، بالإضافة لأداؤه في مشاهد الأكشن كان متقن وواضح فيه المجهود والتعب في التحضير للشخصية.

الجميلة ريبيكا فيرجسون قدرت تؤدي دور متألق لعميلة استخبارات بريطانية مشكوك في انتماءها من قبل الجميع، وقدرت تحيرنا إحنا شخصيًا في معرفة حقيقة انتمائها.. ويمكن الفيلم ده يعتبر الأكثر عمقًا على مدار السلسلة كلها، وبـ يفكرنا بأفلام جيمس بوند اللى تمت إعادة تقديمها من جديد بالاستعانة بالبطل دانيل كريج.

Mission: Impossible – Rouge Nation هو أفضل أفلام الأكشن خلال الموسم الحالي.. واللى هـ يكون إزاحته عن اللقب ده صعب للغاية من خلال الأفلام القادمة، ننصحكم بمشاهدته في السينمات قبل فوات الأوان لأنه يستحق المشاهدة والتركيز.

عجبك ؟ جرب

باقي أجزاء السلسلة.

نصيحة 360

لمشاهدة أمتع ننصحكم بمشاهدة الفيلم في سينما IMAX.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح