The Definitive Guide to Living in the Capital , Cairo , Egypt

Non-Stop

Non stop : فيلم أكشن متميز

  • جوليان مورسكوت مكنايرى...
  • إثارةحركة ومغامرات...
  • جوم كوليه سيراجوم كوليه سيرا...
  • في1 Cinema
تم التقييم بواسطة
Mohamed Hamdy
قيم
قيم الآن
Non stop : فيلم أكشن متميز

(ليام نيسون) مواليد 1952 واحد من أفضل فنانين هوليوود على الإطلاق، والحقيقة أن مجرد وجود اسمه على تتر أي فيلم بـ يعرفنا أن الفيلم هــ يكون قوي ومتميز، و Non stop مجرد إثبات لاستمرار القاعدة دي.

الفيلم من إخراج جومي كوليت سيرا وبـ يحكي عن رجل أمن مهمته تأمين الرحلات الجوية، بـ يتعرض لتهديد من مختطف مجهول فى أحد الرحلات، بـ يطلب منه تحويل مبلغ 150 مليون دولار على حساب معين في البنك وإلا هــ يقتل راكب على متن الطائرة كل 20 دقيقة.

الأحداث بـ تتطور مع الوقت ومش عاوزين نحرقها عليكم أكثر من كده، لكن لازم تبقوا عارفين أن اختطاف الطائرة هو مجرد حلقة صغيرة من ضمن حلقات كبيرة من الإثارة اللي مش بـ تتوقف من اللحظة الأولى وحتى نهاية الأحداث.

على الرغم أن تقريباً الفيلم بالكامل تم تصويره فى لوكيشن واحد داخلي (طائرة نفاثة مدنية) إلا أن الملل ما اتسربش جوانا على مدار حوالي ساعتين اللي هما عمر الفيلم، وكنا طول الوقت مشدودين للأحداث بشدة إحنا وباقي المشاهدين اللى أقبلوا على الفيلم بسبب سمعة ليام نيسون الممتازة، وكان إقبالهم كبير لدرجة أنه تم تخصيص قاعتين كاملتين لعرض الفيلم.

من المرات النادرة اللى بــ يتم إظهار العرب والمسلمين بصورة كويسة، من خلال التعرض لشخصية طبيب مسلم كان على متن الطائرة، وإزاي أنه كان موضع شبهات للجميع ثم بـ يتأكدوا إنه شخص صالح وبـ يساعدهم فى إنقاذ المصابين على متن الطائرة.

فيلم Non Stop قد يبدوا من إعلانه أنه فيلم أكشن، إلا أنه في إعتقادنا إنه فيلم جريمة وتشويق بالدرجة الأولى ثم يأتي الأكشن وضرب الرصاص كقطعة كريز على رأس التورتة.

الفيلم ممتاز لو كنتم من عشاق الأكشن أو من عشاق ليام نيسون زينا، وعلى كل حال نوعدكم تفضلوا مشدودين من المشهد الأول لنهاية الفيلم بلا انقطاع .. مستنيين رأيكم.

عجبك ؟ جرب

Taken

نصيحة 360

الفيلم محتاج تركيز كبير والأحداث بـ تحصل بسرعة كبيرة، علشان كده ياريت تكونوا أكثر تركيزاً فى الأحداث.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح