The Definitive Guide to Living in the Capital , Cairo , Egypt

One for the Money – واحد من أجل المال

One For The Money: جريمة إلا ربع

  • جيسون أومارادانيال سونجاتا...
  • كوميدي
  • جولي أن روبنسونجولي أن روبنسون
  • في1 Cinema
تم التقييم بواسطة
Mohamad Adel
قيم
قيم الآن
One For The Money: جريمة إلا ربع

فيلم من بطولة النجمة
كاثرين بيجلو –أحد الممثلات المفضلات عندنا– فـ قلنا أكيد هـ يكون فيلم على أقل
التقديرات لطيف، لكن يطلع كل الكلام ده أونطة!

هل نقدر نصنف الفيلم
ده على اعتبار أنه كوميدي؟.. الحقيقة أن السؤال ده على وجه الخصوص يخلينا في حيرة
لأن الفيلم واقع أنه يكون فيلم كوميدي –مع أن المشاهد الكوميدية مش عالية– وممكن
يتم اعتباره فيلم جرائم، خاصة وأن قصته بـ تدور عن سعي “ستيفاني” للقبض
على ضابط شرطة “جو مورللي” المتهم في جريمة قتل، غير أنه كمان يعتبر “حبيبها”!

ولأن التصنيف غير
موجود، ده خلى كتاب الفيلم يقعوا في مشكلة عويصة، وهي أنهم بـ يحاولوا يوازنوا ما
بين التصنيفين، علشان الفيلم ينتهي وهو لا طال يكون كوميدي خفيف أو حتى فيلم مثير
عن محاولة القبض على القاتل، خاصة وأن الجريمة فيه شعور أنها غريبة، ما تتصدقش،
حتى ببساطة يقدر الواحد يوصل للقاتل، وكأنه بـ يحل رواية سخيفة ماشية على مبدأ
“من فعلها؟” الشهير.

وبالتالي مهما حاولوا
صناعه أنهم يخلقوا إيقاع فيه، بالتالي مستحيل لأن التصنيف نفسه غير موجود، غير أن
المشكلة كمان أداء كاثرين بيجلو يعتبر الأقل مقارنة بأداء جيسون أومارا في دور
“جو مورللي”. 

عجبك ؟ جرب

أفلام ثانية للنجمة كاثرين بيجلو زي: New Year’s Eve وThe Ugly Truth.

نصيحة 360

كاثرين بيجلو ودانيال سونجاتا بطلا الفيلم ده برضه كان لهم لقاء سابق في المسلسل الأمريكي الشهير Grey’s Anatomy وإن كانت كاثرين بيجلو ما لهاش علاقة به في المسلسل لأنها كانت بـ تلعب دور الطبيبة "إيزي ستيفنز"، لكن دانيال سونجاتا كان بـ يلعب دور ممرض، حبيب الطبيبة "بيلي" المشرفة على "إيزي ستيفنز" في نفس المستشفى.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح