-
آفا كونوليتارا فلين...
-
ثلاثي الأبعادحركة ومغامرات...
-
توبي جينيكلتوبي جينيكل...
-
في1 Cinema
Mohamed Hamdy
مع زحمة الأحداث السياسية والاجتماعية.. وطوفان الأحداث –والمطر- المنتشر في مصر، بـ نحب ييجي علينا وقت ونفصل دماغنا من كل شىء، ونعيش لساعة أو ساعة ونصف في أحداث تاخدنا لمنطقة بعيدة تمامًا عن أي أحداث سيئة في يومنا،Ooops! Noah is gone بـ يقدم الفرصة دي بدون كلام كثير في فيلم مناسب للأطفال والكبار على حد سواء.
الفيلم بـ يحكي عن طوفان نوح اللى دمر الحياة على كوكب الأرض تمامًا، لكن من منظور حيواني بحت بحيث بـ نشوف الحيوانات وهي بـ تتلقى خبر ضرورة تسجيل أسمائها في قوائم لركوب السفينة، لكن نوح كان له شروط قاسية في اختيار الحيوانات اللى هـ تلتحق بالسفينة، ومن هنا بـ تبدأ قصة الفيلم بمحاولة حيوانات اللحاق بالسفينة على الرغم من عدم إدراج اسمها.
كنا بـ نحسب أن الفيلم اللى أخرجه توبي جينكيل وقام بالأداء الصوتي فيه مارتن شين وديرموت ماجينيس وكالوم مالوني وتارا فلين هـ يكتفي بعرض الجانب ده من القصة، إلا أن الحقيقة أن القصة الحقيقية بـ تبدأ لما بـ يتخلف اثنين من أبناء الحيوانات اللى على السفينة عن اللحاق بالسفينة، وبـ نشوف مغامراتهم في محاولة العودة للسفينة وتجنب الطوفان.
الألوان في الفيلم كانت مبهرة وجميلة.. متنوعة وخلابة، وقدرت تعبر عن روح المرح اللى بـ يعرضها لنا الفيلم، التحريك كمان ومستوى الرسومات كان عظيم للغاية وأكثر من مُرضي، لكن نعيب على الفيلم عدم الاهتمام بتعريفنا بأنواع الحيوانات المختلفة على السفينة، الأمر اللى جعلنا نحتار في أسماء وأنواع الحيوانات اللى بـ نشوفها على الشاشة طوال الفيلم.
الموسيقى التصويرية كانت حماسية وجميلة ودخلتنا في مود الفيلم بسهولة ويسر، وقدرت تتسارع مع الأحداث اللى ما كانتش مملة على الإطلاق وكانت بـ تنقلنا من حدث لحدث بحيث ننتقل من الكوميديا للتراجيديا لمشاهد حبس الأنفاس بسرعة ويسر من خلال سيناريو قوي ومحكم.
Ooops! Noah is gone فيلم عائلي قوي، وبـ يحمس الأطفال على قيم التعاون وروح الفريق والعمل في جماعة بأسلوب بسيط ومحبب.