The Definitive Guide to Living in the Capital , Cairo , Egypt

Pitch Perfect 2

Pitch Perfect 2: التكرار غلب الإبهار!

  • آنا كيندريكإليزابيث بانكس...
  • كوميدي
  • إليزابيث بانكسإليزابيث بانكس
  • في1 Cinema
تم التقييم بواسطة
Mohamed Hamdy
قيم
قيم الآن
Pitch Perfect 2: التكرار غلب الإبهار!

الحقيقة اللى لازم نعترف بها لأنفسنا ولكم.. أننا كنا متوقعين معظم أحداث الفيلم بمجرد معرفة اسمه ومشاهدة التريلر، لكن هل توقعاتنا كلها كانت في محلها؟

للأسف أه! وعلى الرغم من فرحتنا الشخصية بقدرتنا على استنتاج الأحداث إلا أننا كنا نتمنى يكون الفيلم فيه بعض التجديد لعدم الملل ليس إلا.

من إخراج إليزابيث بانكس وتأليف كاي كانون بـ نشوف مغامرة جديدة لفتيات الاستعراض، في محاولة الفوز بمسابقة دولية جديدة ومختلفة من نوعها، طبعًا إحنا عارفين كويس أن السيناريو والقصة في النوعية دي من الأفلام مجرد حجة لتمرير عدد من الرقصات والاستعراضات، وعلشان نكون بـ ننتصر للحق، لازم نقول أن الفيلم كان مبهر فيما يتعلق بالاستعراضات وتنظيمها، والرقصات وجمالها وقدرة الإخراج على توظيف عناصر الإضاءة والديكور وتفاصيل الفيلم بالكامل لخدمة الاستعراضات.

الكوميديا في الفيلم كانت حاضرة وبشدة، من خلال تعليقات ريبل ويلسون (فات إيمي) واللى كان لها دور جميل -وقصير- في فيلم الكوميديا Night at the Museum في جزئه الأخير، لكن في رأينا أنها لو اعتمدت في نجاحها على المواقف الكوميدية اللى بـ تحصل نتيجة حجمها الكبير ووزنها الزائد، مش هـ تكمل كثير في هوليوود وهـ تتحرق ككوميديانة رغم أن مش ده المصير اللى نتمناه لها.

الكلام عن الموسيقى التصويرية والديكور هـ يكون أكيد لصالح الفيلم اللى اهتمزى ما قولنا– بالجزء الاستعراضي، وبالتأكيد الديكورات جزء لا يتجزأ من الاستعراض وجاءت الديكورات بشكل مبهر ومتميز، وخصوصًا ديكورات الخلفية في مسارح الاستعراضات اللى جاءت بالكامل أكثر من ممتازة.

Pitch Perfect 2 بـ يقدم كل اللى بـ يبحث عنه محبي الجزء الأول.. استعراضات كبيرة ومواقف كوميدية و.. إلخ، لكن هل بـ يحاول يقدم أي جديد عن الجزء الأول؟ منتظرين إجابتكم في التعليقات لو شوفتم الفيلم.

عجبك ؟ جرب

الجزء الأول من نفس السلسلة.

نصيحة 360

شاركت إليزابيث بانكس كبطلة بالجزء الأول، وفي الجزء ده بـ تشارك بالإخراج والإنتاج كمان.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح