The Definitive Guide to Living in the Capital , Cairo , Egypt

Playing it Cool

Playing It Cool: حاجات كثير ملخبطة!

  • أوبري بلازاكريس إيفانز...
  • رومانسيكوميدي
  • جاستين ريردونجاستين ريردون
تم التقييم بواسطة
Mohamed Hamdy
قيم
قيم الآن
Playing It Cool: حاجات كثير ملخبطة!

الحقيقة أننا أكثر إعجابًا بالاسم الآخر للفيلم وهو A Many Splintered Thing لأنه فعلًا بـ يعبر عن حقيقة الفيلم اللى أخرجه جاستن ريردون وألفه كريس شيفر ومن بطولة كريس إيفانز وميشيل موناجان بـ يتبع أسلوب مختلف شوية فيما يتعلق بالسيناريو والقصة، الفيلم بـ يستعرض قصة رومانسية واحدة طويلة وممتدة، لكن بـ يدخل فى وسطها عدد من القصص الفرعية الصغيرة، واللى أكيد احتاجت مجهود إخراجي وإنتاجي متميز علشان تخرج بشكل مترابط.. لكن هل ده حصل؟

الإجابة المباشرة هى: لأ.. الفيلم للأسف فشل أنه يقدم فيلم قوي ومترابط، نقدر نقول أن كل صانع أفلام بـ يكون أمامه خيارين، إما أنه يعمل فيلم يقترب من الأفلام التجريبية، وبين أنه يقدم فيلم تقليدي، لكن Playing It Cool حاول يجمع بين الأمرين.. وللأسف فشل.

ديكورات الفيلم كانت قوية، متناسبة مع الأحداث، كمان الأزياء واختيارها لتلائم التغيرات فى الشخصيات كانت كويسة، لكن الموسيقى التصويرية ما حسيناش أنها بنفس قوة الديكورات، وما شعرناش أن فيه جزء معين علق فى دماغنا بشكل مؤثر بعد نهاية الأحداث.

الأفلام الرومانسية القوية أصبحت نادرة مؤخرًا، بالتالى استقبالنا لفيلم رومانسى جديد بـ يكون المفروض أكثر حفاوة، لكن للأسف اللى شوفناه فى النهاية على الشاشة كان محبط إلى درجة كبيرة، ولولا أننا كنا عاوزين نتفرج على فيلم رومانسى فى فترة عيد الحب كان هـ يكون تقييمنا للفيلم أقل من كده بكثير.

Playing It Cool من نوعية الأفلام اللى الكلام عنها ممكن يكون قليل، لكن آخر كلامنا هو نصيحتنا لكم بمشاهدة الفيلم فى التليفزيون أو على DVD، لكنه لا يستحق تضييع الوقت والجهد فى السينما.

عجبك ؟ جرب

Notting Hill (1999).

نصيحة 360

معظم أبطال الفيلم قاموا من قبل بعمل أدوار أبطال خارقين في أفلام مارفل.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح