The Definitive Guide to Living in the Capital , Cairo , Egypt

Poker Night

Poker Night: أكشن بنكهة الفانتازيا!

  • بو ميركوفجيانكارلو إسبوزيتو...
  • إثارةغموض وتشويق
  • جريج فرانسيسجريج فرانسيس
تم التقييم بواسطة
Mohamed Hamdy
قيم
قيم الآن
Poker Night: أكشن بنكهة الفانتازيا!

البوكر مشهورة عالميًا وأمريكيًا بشكل كبير، وبـ تعتمد على إعطاء قيم بالأرقام لأوراق الكوتشينة، واللى يحقق أعلى أرقام يكسب الجولة، أما "ليلة البوكر" وفقًا لتعريف الفيلم، هى ليلة بـ يجتمع فيها مجموعة من ضباط الشرطة القدامى، بمجموعة من ضباط الشرطة الجُداد، الهدف من الاجتماع ده -غير لعب البوكر طبعًا- هو تبادل الخبرات بين الجيل القديم من رجال الشرطة، والجيل الجديد.

كان ممكن نعطي الفيلم تقييم أقل بكثير، لولا لمسة الفانتازيا اللى تخللت الأحداث، واللى أكسبته رونق وسحر خاص به، وفكرتنا بالتجارب الإخراجية المجنونة للعظيم "كوانتن ترانتينو" لكن طبعًا بجرعة جنون أقل، وإن كانت تستوجب الاحترام والتقدير.

من تأليف وإخراج جريج فرانسيز، بـ نشوف بو ميركوف، رون بيرمان، وجيانكارلو إسبوسيتو فى أدوار البطولة فى الفيلم اللى بـ يحكي عن أحد محققي الشرطة، واللى بـ يتعرض للاختطاف هو وصديقته، الأمر اللى بـ يدفعه لاسترجاع ذكريات ليلة البوكر الأخيرة اللى حضرها مع رجال شرطة قدامى ومحترفين، علشان يقدر يسترجع خبرات ضباط الشرطة القدامي، ويستعملها للإفلات من مجرم مجنون، بـ يرتدي قناع مخيف.

زي ما قولنا، لولا الفانتازيا ومشاهد الفلاش باك اللى بـ يحكي فيها المجرم الغامض على حياته وكيفية تحوله من شخص طبيعي لمجرم مجنون، كان تقييمنا للفيلم هـ يكون أقل بكثير، خصوصًا مع تكرار مشاهد هروب الضابط ثم إلقاء القبض عليه من المجرم، مرة بعد مرة بعد مرة، الأمر اللى أصابنا بالملل، وحسسنا أن المخرج بـ يكرر الفكرة مش أكثر.

نهاية الفيلم -على الرغم أننا مش عاوزين نحرقها عليكم- كانت ممكن تكون أفضل، لولا إصرار المخرج على جعل النهاية مفتوحة علشان يبدأ يمهد لجزء ثاني للفيلم، نعتقد أنه مش هـ يكون بنفس القوة، وبـ نتمنى أن ليلة البوكر يكون الفيلم الوحيد اللى بـ يتكلم عن الحبكة دي.

الموسيقى التصويرية كانت ضعيفة، لكن الديكورات كانت قوية، المعادلة اللى بـ نلاحظها فى كثير من الأفلام فى الفترة الأخيرة، الديكورات الخاصة بأماكن الاحتجاز والسراديب تحت الأرض كانت واقعية وقدرت تدخلنا فى المود العام لأحداث الفيلم بسهولة، وكان متعود عليها وتم تنفيذها باحترافية كبيرة، أما الموسيقى التصويرية فعلى الرغم من الاجتهاد كانت ضعيفة وما حسيناش أن أى مقطع من مقاطعها استمر معانا لبعد أحداث الفيلم.

فيلم Poker Night أكشن برائحة أفلام الرعب مع شوية فانتازيا لطيفة، ينفع كفيلم فى نهاية الأسبوع -للمشاهدين اللى قلبها جامد- أو لمحبى القوالب السينمائية المختلفة.

عجبك ؟ جرب

Cold in July.

نصيحة 360

الفيلم "للكبار فقط" بسبب بعض المشاهد الدموية اللى ما ننصحش بمشاهدتها لصغار السن أو الأكثر حساسية للمشاهد دي.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح