The Definitive Guide to Living in the Capital , Cairo , Egypt

Run All Night

Run All Night: فيلم الأب والابن

  • إد هاريسبروس ماكجيل...
  • إثارة
  • جوم كوليت سيراجوم كوليت سيرا
تم التقييم بواسطة
Mohamed Hamdy
قيم
قيم الآن
Run All Night: فيلم الأب والابن

بعد النجاح المدوي لسلسلة أفلام Taken اللى بـ تحكي عن محاولة أب إنقاذ ابنته من الاختطاف على يد مجموعة من المسلحين الألبان، بـ يعود ليام نيسون من جديد مع المخرج جومي كوليت سيرا فى ثالث تعاون بينهما بعد أفلام على مستوى Unknown وNon Stop.

الفيلم بـ يحكي عن رجل عصابات شرس متقاعد (ليام نيسون)، بـ يختار الإقامة فى آخر أيامه فى منزل صديقه (زعيم العصابة الحالى)، لكن الأمور بـ تزداد سوء لما بـ يتورط نيسون فى قتل ابن صديقه، الأمر اللى بـ يضعه هو وابنه فى مطاردة لمدة ليلة واحدة –وطويلة جدًا- من المجرمين ورجال الشرطة على حد سواء.

الغالبية العظمى للفيلم تم تصويرها فى الليل، الأمر اللى انعكس على نفسية المشاهد وإحساسه طوال الوقت بالمطاردة وعدم الأمان، حتى المشاهد الصباحية من الأحداث على الرغم من ندرتها إلا أنها كانت بـ تحتوي فى معظم الوقت على مشاهد الأكشن.

ليام نيسون ما كانش فى أفضل حالاته فيما يتعلق بأفلام الأكشن، لكن على المستوى الإنساني والتمثيلي والدرامي نقدر نقول أنه طور أدواته وقدم أداء كويس، وقدر يظهر فى صورة رجل العصابات النادم وغير القادر على النسيان والتعامل مع الواقع.. السكير المهزوم واللى ظهر فى كثير من المشاهد الأولى فى الفيلم وهو منحنى الرأس والظهر وخصوصًا فى مشاهد الاحتفال فى المنزل وحالة السكر اللى كان فيها فى المشاهد دي.

علاقة الأب والابن فى الفيلم كانت مختلطة، ما بين رغبة الابن فى بداية حياة جديدة بعيدًا عن سمعة الأب السيئة، وما بين اضطراره لسماع كلام والده اللى بـ يتضح مع الوقت أنه على دراية أكبر بالشوارع الخلفية للمدينة، وأسلوب عمل الشرطة الفاسدة وحرب العصابات اللى بـ تدور فى الشوارع طوال الوقت.

إد هاريس فى أداء متميز عودنا عليه طوال الوقت، تحكم مطلق فى نظرات العين وحركات الوجه والجسد على الرغم من تقدمه فى السن إلا أنه قدر يقوم بدوره بشكل متميز وقوي كالعادة.

الموسيقى التصويرية والديكور ما كانش لهم دور كبير فى الأحداث، وما حسيناش بتأثيرهم بدرجة كبيرة اللهم إلا فى بعض المشاهد اللى ممكن نعدها على أصابع الأيد الواحدة، والفيلم بشكل عام متوسط القوة سواء على مستوى الأحداث الإنسانية أو مشاهد الأكشن والضرب والحركة.

عجبك ؟ جرب

سلسلة أفلام Taken.

نصيحة 360

الفيلم تكلف حوالى 50 مليون دولار، وبدأ تصويره فى أكتوبر 2013.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح