The Definitive Guide to Living in the Capital , Cairo , Egypt

The Best of Me

The Best of Me: المبالغة أفسدت الفيلم

  • جيمس مارسدنلوك برايسي...
  • رومانسي
  • مايكل هوفمان
  • في1 Cinema
تم التقييم بواسطة
Mohamed Hamdy
قيم
قيم الآن
The Best of Me: المبالغة أفسدت الفيلم

الأفلام الهوليوودية الرومانسية أصبحت قليلة جدًا فى الفترة الأخيرة… انخفاض تكلفة إنتاج أفلام الرعب والأكشن، وزيادة الطلب على أفلام الرومانسية الخاصة بالمراهقين والشباب جعلت إنتاج فيلم رومانسى حقيقي من الأمور اللى بـ نشوفها بشكل نادر إلى حد ما، وكان ممكن نعطي الفيلم تقييم 4 نجوم لو كان بس الفيلم أقل مبالغة ومافيهوش “حشو” و”مط وتطويل”.

من إخراج مايكل هوفمان بـ نشوف قصة رومانسية عن علاقة حب بـ تجمع بين شاب وفتاة (ميشيل موناجان)، على الرغم من ظروف الشاب (جيمس مارسدن) السيئة وعلاقته السيئة بوالده وأخوته إلا أنه بـ يحاول ينجح علاقة الحب بأى شكل ممكن، إلا أن الظروف بـ تجبرهم على الابتعاد عن بعضهم البعض، إلا أن القدر بـ يرجع يلعب لعبته من جديد ويجمعهم سوا بعد 21 سنة من الانفصال!

مش عاوزين نحرق عليكم الأحداث أكثر من كده، لكن كانت مشكلتنا مع الأحداث بـ تتركز بالكامل فى النصف الأخير من الفيلم، لأننا فوجئنا أن المخرج والمؤلف بـ يجبروا الأحداث على السير فى اتجاه معين عاوزين يمشوا فيه من البداية، حتى لو كان على حساب منطقية الأحداث أو طول الفيلم أو زمن الأحداث، وده اللى ضايقنا جدًا وجعلنا نهبط بمستوى الفيلم إلى نجمتين ونصف فقط.

الموسيقى التصويرية والديكور كانت متميزة جدًا، وخصوصًا الديكورات اللى قدرت تنقل لنا نمط الحياة الغربي بشكل متوازن وقوي.

على الرغم من تصنيف الفيلم فى الولايات المتحدة تحت تصنيف PG13 إلا أننا لاحظنا زيادة التدخل الرقابى فى أحداث الفيلم وقطعهم عدد كبير من المشاهد على مدار الأحداث، الأمر اللى ضايق كثير من المشاهدين وإحنا منهم وحسينا أن مقص الرقابة كان ثقيل شوية.

The Best of Me مش أفضل فيلم رومانسى هـ تشوفوه، ومش من علامات السينما المميزة، لكنه فيلم بسيط ولطيف وممكن يكسر عندكم نمط الحياة الصعبة والخانقة اللى كثير مننا بـ يعيشوها حاليًا.

عجبك ؟ جرب

The Fault in Our Stars.

نصيحة 360

الممثل الراحل بول والكر كان مرشح للقيام بالدور لكن الدور فى النهاية ذهب للفنان جيمس مارسدن.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح