The Definitive Guide to Living in the Capital , Cairo , Egypt

The Raid 2

The Raid 2: أفلام الشرطة المعتادة

  • أريفين بوتراأوكا أنتارا...
  • حركة ومغامرات
  • جاريث إيفانزجاريث إيفانز
تم التقييم بواسطة
Mohamed Hamdy
قيم
قيم الآن
The Raid 2: أفلام الشرطة المعتادة

من خلال متابعتنا للتيمات اللى بـ تتناولها الأفلام الأجنبية، عرفنا نوعية جديدة من الأفلام هى أفلام “الشرطة”، وهى الأفلام اللى بـ تتناول حياة رجال الشرطة، وبـ تدور معظم الوقت حول خيانة واحد من اللى شغالين مع بعض، أو العلاقات المتشابكة اللى بـ تربطهم بعضهم البعض، أو حتى العمليات اللى بـ يقوم بها رجال الشرطة لضبط المجرمين والتنظيمات الإجرامية.

بـ تدور أحداث الفيلم اللى أخرجه جاريث إيفانز وبـ يقوم ببطولته أيكو أويس وجولي أستل وتيو باكيسوديو بـ نشوف قصة ضابط الشرطة (راما) اللى بـ يعمل كشرطى متخفى فى جاكرتا للإيقاع بعصابة من المجرمين، واللى بـ يحاول كمان من خلالهم الوصول لبعض الأسماء من الخائنين فى الشرطة نفسها.. الأحداث بـ تأخذنا طوال الوقت من حدث للآخر من خلال سلسلة من المفاجآت والاشتباكات اللى مش عاوزين نحرقها عليكم.

من الأمور اللى أعجبتنا فى الفيلم مشاهد الأكشن، وخصوصًا المشاهد الأخيرة فى الفيلم واللى عرفنا أن تصويرها استغرق أكثر من 6 أسابيع لإخراج المشهد النهائى للمعركة الأخيرة فى أحداث الفيلم، كمان الديكورات اللى حسينا أنها شديدة الواقعية أو أنه تم تصوير الفيلم فى البيئات الحقيقية للأحداث.

بـ يميز الأكشن كمان اعتماده بشكل كبير على مهارات القتال اليدوى ومبادئ رياضات الدفاع عن النفس الجديدة المستوحاة من الجودو زى الأيكيدو أو الجو جتسو وغيرها من الرياضات، ويمكن من أكثر الناس اللى بـ يتقنوا الرياضات دى فى الحقيقة وبـ يؤدوا كثير من أعمالهم السينمائية اعتمادًا عليها الممثل ستيفن سيجال.

الموسيقى التصويرية ما حسيناش أنها كانت قوية بالقدر الكافى، على الرغم من اعتماد أفلام الأكشن بشكل كبير على الجمل اللحنية ومقاطع الموسيقى التصويرية اللى بـ تحمل قدر كبير من التشويق والأكشن، لكن اللى خلانا ما نركزش مع الموسيقى، مشاهد المطاردات بالسيارات والأكشن بشكل عام اللى كان تنفيذه متقن وقوى.

الحظ ما ساعدناش أننا نشوف الجزء الأول من الفيلم، وحسينا أننا فعلاً فى حاجة لمشاهدته علشان ما يفوتناش أحداث الجزء الثانى، لكن المخرج كان حاطط فى الحسبان احتمال أن مش كل المشاهدين شاهدوا الجزء الأول، وبالتالى قدرنا نتابع الأحداث بدون انقطاع.

 The Raid 2من أفلام الأكشن اللى ممكن تكون مختلفة فى التنفيذ، لكن على صعيد القصة، حسينا أن التيمة مكررة وشوفناها قبل كده.

عجبك ؟ جرب

الجزء الأول من نفس السلسلة.

نصيحة 360

المشهد النهائى للمعركة استغرق تصويره أكثر من 6 أسابيع!

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح