The Definitive Guide to Living in the Capital , Cairo , Egypt

Legends of Valhalla: Thor

Thor: Legend of the Magical Hammer: إعادة إنتاج الأساطير الإغريقية

  • بول تيلاكجاستن جريج...
  • ثلاثي الأبعادكارتون...
  • أوسكار جوناسونأوسكار جوناسون...
  • في1 Cinema
تم التقييم بواسطة
Mohamed Hamdy
قيم
قيم الآن
Thor: Legend of the Magical Hammer: إعادة إنتاج الأساطير الإغريقية
بعض الأفلام اللي بـ نشوفها الأيام دى بـ تحسسنا أنها معمولة علشان غرض واحد ليس إلا، فيلم النهاردة من الأفلام اللى أعطتنا الانطباع أنها منتجه فقط لمحاولة إبهار المشاهد بتقنيات الـ 3D والتشغيل ثلاثي الأبعاد مش أكثر من كده، هل نجح الفيلم فى الوصول لهدفه؟

الإجابة هى نعم ولأ فى نفس الوقت، نعم نجح الفيلم فى تحقيق الإبهار المطلوب، لكنه فشل فى إبهارنا علي مستوى القصة أو الموسيقى أو أى عنصر ثاني من عناصر الأعمال السينمائية والفنية.

الفيلم اللي أخرجه أوسكار جوناثان وتوني جينيكل ومن بطولة جاستن جريج فى دور “ثور” وبول تيلاك فى دور “كراشر” وغيرهم قدر علي مدار حوالي ساعة ونصف هى زمن عرضه أنه يقدم لنا حالة من الإبهار على مستوى الصورة خصوصًا مع عرضه بتقنية ثلاثية الأبعاد كانت سبب فى سعادة الأطفال الصغيرين اللي كانوا مع أهلهم فى دار العرض إلا أنه ما قدمش أى جديد يذكر علي مستوى القصة اللي ما اختلفتش كثير عن القصة القديمة والمستهلكة عن أسطورة هرقل الإغريقية اللي تم تقديمها فى أعمال كثير قبل كده.

ما عجبناش دور الإله زيوس، وحسينا فى كثير من المشاهد أن أداؤه كان انفعالي ومبالغ فيه، وكثير من تصرفاته كانت Over وغير منطقية.
شخصية هرقل أو ثور تم تقديمها بشكل مختلف عن اللي تعودنا عليه من الأعمال السينمائية والتليفزيونية السابقة، علي سبيل المثال مش هـ نشوف ثور هنا بنفس القوة الخارقة اللي تم تقديمه بها من قبل، ورغم التجديد إلا أن حاجة زى دى ما كانتش مقنعة لنا يمكن لأن المشاهد المصرى المخضرم لسه عالق فى ذهنه مشاهد الحروب والدمار والقوة المفرطة اللي تميز بها هرقل فى المسلسل التليفزيوني اللي تم عرضه من سنين علي الشاشات الأرضية.
باختصار: فيلم النهارده مناسب جدًا لو كنت من محبي أفلام الـ 3D أو لو كان معاك أطفال عاوزهم يقضوا وقت لطيف و”آمن” في السينما في وقت ما أنت بـ تشترى طلبات البيت من الهايبر فى المول، لكن ما تتوقعش أكثر من كده لو كنت من محبي الأسطورة الإغريقية الخالدة هرقل.

عجبك ؟ جرب

مسلسل "هرقل" اللى كان بـ يُعرض من سنين طويلة فى التليفزيون المصرى وحقق وقتها شهرة مدوية بعض حلقاته موجودة علي اليوتيوب.

نصيحة 360

الأسطورة الإغريقية بـ تقول أن هرقل ابن الإله زيوس بـ ينحاز لرغبات البشر وبـ يسيب عالم الآلهه نتيجة أنه نصف إله ونصف إنسان وبـ يمر بالعديد من المواقف الصعبة نتيجة اختياراته.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح