The Definitive Guide to Living in the Capital , Cairo , Egypt

أفلام
Urge

Urge: الشيطان يحكم العالم!

  • أشلي جرينبيرس بروزنان...
  • إثارةدراما
  • آرون كوفمان
  • في1 Cinema
تم التقييم بواسطة
Mohamed Hamdy
قيم
قيم الآن
Urge: الشيطان يحكم العالم!

لو كنتم من الناس اللي بتعتبر السينما مجرد مكان لتضييع الوقت أمام أحد الأفلام، فأكيد الفيلم ده مش لكم، لأن فيلم Urge بيدعوكم للتفكير بشكل مختلف، ومحاولة فك الرموز الموجودة داخل تفاصيله ومشاهدة المختلفة وتركيز الكاميرا على مشاهد بعينها… صحيح الفيلم ماقدمش ده بشكل جيد لكنه اجتهد وحاول قدر المستطاع.

فيلم Urge من بطولة بيرس بروسنان، نيك ثون، بار بالي، وأشلي جرين، من تأليف جايسون زوموالت وجاي بوسيك، وإخراج هارون كوفمان.

الفيلم بيحكي عن مجموعة من الأصدقاء الأثرياء، واللي بيقرروا تقضية عطلة نهاية الإسبوع على أحد الجزر المنعزلة… صديقهم الشبه مجنون بيوعدهم بحفلة غير تقليدية بيقابلوا فيها رجل مجهول الاسم (بيرس بروسنان) بيعطيهم مخدر جديد اسمه (المحفز).. وبنبدأ نشوف تأثير المخدر ده على الأصدقاء خاصة أنهم بيتلقوا تحذير بخصوص استخدامه مرة واحدة فقط.. لكن طبعًا ماحدش بيهتم بالقاعدة دي.

الفيلم بيتجاوز حدود الحكي عن الأصدقاء والمخدرات وبيتناول في إسقاطاته علاقة بني البشر ببعضهم.. وعلاقتهم بالله والشيطان والأخلاق والمبادئ ورسائل كتير بتختفي داخل تفاصيل الفيلم لكن بيتم الإفصاح عنها في الربع الأخير من الأحداث بشكل شبه رسمي… وبنعرف ساعتها أن صناع الفيلم بيحاولوا يوصلوا رسالة لبني الإنسان إنهم تحولوا من كائنات منتجة وناس طيبة لبشر بتقتل في بعضها وتنتهك أعراض بعضها وتدوس على بعضها بسبب أمور تافهة، وإن الشيطان بيقود الأرض نحو هلاكها من خلال التصرفات الغبية للبشر وانقيادهم الأعمي وراء شهواتهم ومصالحهم الشخصية.

على الرغم من قوة الرسائل الخفية في الفيلم إلا أن الأداء التمثيلي ماكانش بنفس قوة القصة والحبكة.. حتي بيرس بروسنان واللي قدم شخصية جيمس بوند قبل كده، مقدرش يعمل توازن تمثيلي في أحداث الفيلم، وبنعتقد إن الإستعانة بيه كانت لوضع اسم فنان كبير على أفيش الفيلم مش أكتر.

المتميز في الفيلم كان الموسيقى التصويرية الحماسية واللي قدرت تسرقنا من أنفسنا وتدخلنا لعالم الفيلم بمنتهى الأريحية والبساطة.. الديكورات كمان تناغمت مع الإضاءة علشان تخلق حالة من الهيبة خاصة في مشاهد الحفلة والمشاهد النهائية من الفيلم.

فيلم Urge بيحاول ياخدنا لعوالم غريبة ومظلمة.. الرحلة ماكانتش ناجحة بنسبة 100% لكنها مغامرة تستحق المشاهدة والتشجيع.

عجبك ؟ جرب

 Inferno

نصيحة 360

الفيلم يعتبر للكبار فقط وما ننصحش باصطحاب أطفال أو المشاهدين ذوي الإحساس المرهف.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح