The Definitive Guide to Living in the Capital , Cairo , Egypt

كلنا عارفين الممثل الشهير جيسون ستاثام كواحد من أفضل ممثلي الأكشن فى هوليوود، وأحدثهم دخولًا للساحة السينمائية، الفنان اللى قدر يحصد نجاح كبير فى مصر مع سلاسل أفلام ناجحة وقوية، يبدو أنه بـ يحاول يغير جلده ويظهر كممثل درامي قادر -بالإضافة للأكشن- على القيام ببطولة أعمال أكثر قوة وعمقًا، لكن هل قدر يعمل ده؟

من تأليف وليام جولدمان وإخراج سايمون ويست بـ نشوف قصة عن جيسون ستاثام (نيك وايلد) واللى بـ يغلف الغموض حياته الشخصية، نيك بـ يؤدي خدمات خاصة للوافدين على البلد، مستغلًا قوته الجسدية ومعرفته بالناس، بـ يعمل كبودي جارد أحيانًا وكمنتقم لصديقته اللى بـ تتعرض لاستغلال جنسي من مجموعة من البلطجية الأقوياء "الواصلين" بنفوذهم فى البلد.

مشاهد الأكشن في الفيلم كانت أقل من المتوقع بالنسبة لفيلم بـ يحمل توقيع ستاثام لكنها كانت قوية من ناحية الإخراج والمؤثرات الخاصة، كل ده ما منعش إحساسنا بالملل خصوصًا فى النصف الأول من أحداث الفيلم، خاصة مع عدم إجادة ستاثام لرغبته فى تحويل اسمه من ممثل أكشن لممثل حقيقي قادر على الإتيان بتعبيرات وجه أفضل من دائرة الـ "غضب، غضب شديد، اندهاش، غضب، غضب شديد" المفرغة اللى بـ يقوم بها فى معظم أفلامه.

الموسيقى التصويرية كانت عادية، مش فاكرين أي مقطع من الفيلم أثرت فينا الموسيقى التصويرية الخاصة به بشكل متميز، على العكس من المؤثرات الخاصة اللى كانت متميزة، وخصوصًا فى إخراج مشاهد الأكشن والصراع الجسدي بين الأبطال.

الفيلم كمان بـ يحمل رسالة مهمة من خلال إدمان القمار، الفيلم بـ يوجه رسالة قوية لكل واحد مش قادر يبطل يلعب قمار على أي شىء وكل شىء فى حياته، ونعتقد أن الرسالة وصلت لرواد السينما بشكل واضح ومؤثر.

Wild Card مش فيلم أكشن مميز، ولا فيلم تراجيدي مميز.