The Definitive Guide to Living in the Capital , Cairo , Egypt

Zootroplolis – Zootopia

Zootopia: اعملوا اللى بتحبوه!

  • إدريس إلباإدريس إلبا...
  • ثلاثي الأبعادحركة ومغامرات...
  • ريتش مورريتش مور
  • في1 Cinema
written by
Mohamed Hamdy
قيم
قيم الآن
Zootopia: اعملوا اللى بتحبوه!

"حب ما تعمل حتى تعمل ما تحب".. هي دي الجملة اللى سمعناها كثير ويمكن نكون تربينا عليها كمان، مع الوقت ولما كبرنا فى السن اكتشفنا أن الكلام ده مش دايمًا بيكون صح، وأنه أحيانًا لازم نعمل العكس، ونُصر ولو مرة على أننا نعمل اللى بنحبه.. واللى يحصل يحصل!

من إخراج بيرون هوارد وريتش مور وأداء صوتي من جيسون بيتمان وجنيفر جودوين وجي كيه سيمونز وإدريس إلبا بنشوف قصة Zootopia المدينة الفاضلة للحيوانات، والمكان اللى بيعيش فيه الحيوانات البرية والمتوحشة مع بعض فى سلام ووئام، لكن الأحداث بتتغير لما بتحصل مؤامرة كبيرة ضد الأرنب والثعلب، وبتتطور الأحداث علشان نكتشف أن… نعتقد أن كفاية كده علشان ما نحرقش عليكم الأحداث أكتر من كده.

من أهم مميزات الفيلم أنه موجه للكبار والصغار على حد سواء، وأي شخص من أي شريحة عمرية هيعجبه الفيلم وأحداثه، وهيلاقى فيه رسالة موجهة له بشكل أو بآخر، أما الأطفال هيحسوا بمتعة ومغامرة كبيرة، ده لأن ديزني أخرجت الفيلم على مستوى عالى ومتميز من ناحية التحريك والجرافيكس زي ما عودتنا فى كل أفلامها تقريبًا.

على صعيد الموسيقى التصويرية نقدر نقول أن الفيلم قدم عمل متوازن موسيقيًا، الموسيقى ما كانتش أفضل موسيقى لفيلم أنيميشن، وفى نفس الوقت مش أسوأ حاجة.

Zootopia فيلم أنيميشن جيد وآمن تمامًا لمشاهدة الأطفال، وبيوفر المتعة لكل أفراد العيلة.

عجبك ؟ جرب

Inside Out.

نصيحة 360

طوال الوقت ديزني متعودة تصدر أفلامها فى شهر نوفمبر، ده أول فيلم من سنة 2011 يكسر القاعدة دى!

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح