The Definitive Guide to Living in the Capital , Cairo , Egypt

الحياة في كايرو

اتعرفوا على خطة منطقة القاهرة الجديدة لمواجهة الأمطار المتوقعة

القاهرة الجديدة جهاز القاهرة الجديدة خطة جهاز القاهرة الجديدة خطة مواجهة أزمة الأمطار
اتعرفوا على خطة منطقة القاهرة الجديدة لمواجهة الأمطار المتوقعة
    بواسطة
    Mohamed Talaat

    في السنين اللي فاتت، اتعرضت منطقة القاهرة الجديدة في الشتاء، لموجات شديدة من الأمطار والسيول، وانتشرت صور وفيديوهات على وسائل التواصل الاجتماعي بتكشف حجم المشكلة اللي واجهتها المنطقة.. علشان كدة قررت الحكومة المصرية تغيير الواقع ده من خلال خطة عملية بتنفذ حاليًا.. تعالوا نتعرف على تفاصيلها.

    مؤخرًا، أعلنت هيئة المجتمعات العمرانية الجديدة وأجهزتها التابعة عن خطة لحماية منطقة القاهرة الجديدة من سقوط الأمطار، أول خطوة فيها هي رفع كفاءة منظومة صرف الأمطار من خلال تدعيم خطوط وتغيير مسار بعض الخطوط الفرعية وإزدواج خط الطرد 1200 مم في محطة جنوب الأكاديمية ومركز المدينة، وبالفعل تم الانتهاء من تنفيذ الخط ودخوله للخدمة وتشغيله.

    وبحسب خطة الهيئة، تم كمان رفع كفاءة عناصر إدارة الأزمات والطوارئ من خلال تدعيم محطات مركز المدينة وجنوب المستثمرين بطلمبات ومولدات كهربائية إضافية، وبالفعل تم الانتهاء من الأعمال دي بنسبة 50% ومن المتوقع الانتهاء منها نهاية شهر ديسمبر الجاي.

    كمان تم تدعيم محطة الشويفات الرئيسية بعدد 2 طلمبة إضافية بسبب أعطال الطلمبات الحالية، وتم الانتهاء من 30% من الشغل، ومن المتوقع الانتهاء من الأعمال دي نهاية السنة دي.

    وبالإضافة للخطوات اللي فاتت، بيتم كمان تنفيذ خطوط إنحدار رئيسية جديدة بالتنسيق مع شركة صرف القاهرة.

    مقترح