اكسب! يومين إقامة فى فندق كونراد القاهرة!
Cairo 360
فندق كونراد القاهرة يعتبر من أفضل فنادق العاصمة، مجرد القعدة بس على كورنيش وسط البلد بواجهة رائعة بـ تطل على النيل تسوى كثير، الفندق الفاخر بـ يوفر الكثير من التسهيلات وكمان بـ يحتوى على أفضل المطاعم زي أوك جريل المطعم المفضل لنا.
إحنا شخصيًا فى كايرو 360 استمتعنا فيه أكثر من مرة، وعمرنا ما هـ نمانع نروح نستمتع ثاني، وأصدقائنا الجامدين فى كونراد عاوزين يدلعوكم.
إيه؟ فندق كونراد هـ يعطى لقارئ محظوظ من قراء كايرو 360 هدية ليلتين إقامة بالفندق لشخصين، وكمان خصم 25% فى مطعم كمالا.
فين؟ فندق كونراد القاهرة، الكورنيش، على النيل… الموضوع كبير!
ليه؟ الحياة فى القاهرة مش سهلة، والواحد لازم يتدلع بين الحين والآخر.
إزاى أحصل عليها؟ سهلة جدًا، جاوب على السؤال ده: كم عدد المطاعم وأماكن اللاونج الموجودة فى فندق الكونراد؟ (على فكرة ممكن تعرف الإجابة من خلال صفحتهم على الفيسبوك).
وبعدين؟ ارسل الإجابة على freestuff@cairo360.com مع اسمك وبياناتك كاملة، وما تنساش تكتب “مسابقة فندق كونراد” في موضوع الرسالة. الحقوا لأن المسابقة هـ تنتهي في منتصف ليل الخميس 4 ديسمبر 2014.
تطبق الشروط والأحكام!
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
