The Definitive Guide to Living in the Capital , Cairo , Egypt

الحياة في كايرو
7 letters

7letters: مكان بيعلم إنجليزي بفكر جديد في الدقي

تم التقييم بواسطة
Cairo 360
قيم
قيم الآن
7letters: مكان بيعلم إنجليزي بفكر جديد في الدقي

القاهرة فيها أماكن كتير بتعلم إنجليزي، بعضها كويس وبعضها لأ، ومؤخرًا اتعرفنا على 7 letters وده مكان حديث في شارع التحرير، المكان بيتميز بأنه أمام محطة مترو البحوث، وده بيخلي موقعه مميز والوصول له سهل جدًا. قررنا نخوض التجربة ونعرف هل المكان بيقدم الإنجليزي بطريقة مميزة ولا لأ.

أول لما وصلنا المكان كان في استقبالنا موظف شاب بشوش قابلنا كويس جدًا، وساعدنا نفهم كل حاجة لها علاقة بالنظام اللي المكان بيدرس بيه الإنجليزي، بعدها طلبوا مننا نمر باختبار علشان تحديد المستوى، وفعلًا الاختبار كان ذكي جدًا وبيخليك تعرف مستواك بشكل حقيقي. وبعد تحديد مستواك بيتم تحديد موعد بداية الكورس الخاص بك والأيام اللي هتيجي فيها. ومتاح لك الاختيار بين مواعيد صباحية أو مسائية.

في الأول كنا مترددين لأن المكان لسه جديد، فطلبنا من القائمين على المكان نحضر حصة واحدة مجانية علشان نعرف هل المكان ممكن يفيدنا ولا لأ، وبالفعل ساعدونا في كده، اكتشفنا أسلوب تدريس بسيط ومفيد، والمحاضر مستواه رائع وطريقته في التعامل مع الدارسين تفاعلية وفيها اهتمام ومحاولة لإفادتهم بكل الطرق.

الطريقة اللي بيتم تدريس الإنجليزي بها في 7 letters بتعتمد على التفاعلية بين المحاضر والطالب، بيعلمك بطرق حديثة وحكايات وبتشوف افلام وبتدخل في نقاشات مع كل اللي بيدرسوا معاك وطبعًا كل ده بالإنجليزي وده بيخلي عقدة الإنجليزي في لسانك تتفك وتقدر تعبر عن نفسك في وقت سريع.

الأسعار في المكان مناسبة إلى حد كبير، سعر المستوى 400 جنيه فقط، والمكان عامل الفترة دي خصم 50%، وتقدر تاخد أكتر من مستوى بتخفيض.

تجربتنا في 7 letters كانت كويسة، وحبينا المكان أكتر لما عرفنا أنه مشروع القائمين عليه كلهم شباب متحمس هدفهم ينشروا ثقافة تعلم اللغات بين الشباب المصري بهدف إيجاد فرص عمل.

تقدرو تتواصلوا معاهم عبر صفحتهم أو تتصلوا بيهم على 01200424282 أو 01001057085

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح