The Definitive Guide to Living in the Capital , Cairo , Egypt

أيريس ديزاينرز – Iris Designers

إيريس ديزاينرز: نظارات أصلية فى الزمالك

  • 49 شارع محمد مظهر
  • نظارات
  • 01023434979
  • 12 مساءً: 12 صباحًا، الجمعة 2 مساءً: 12 صباحًا
تم التقييم بواسطة
Jessica Noble
قيم
قيم الآن
إيريس ديزاينرز: نظارات أصلية فى الزمالك
من المؤكد أن “إيريس ديزاينرز – Iris Designers” الموجود فى شارع أبو الفدا فى الزمالك أمام سيكويا هـ يثير اهتمام أى واحد يعدى أمامه. بداية الشعار اللى فوق الباب فكرته مبتكرة، عبارة عن خطوط معمولة من اللمبات وبسرعة بـ تعطى المكان طابع روش أنيق، وزجاج العرض الأمامى المشرق بـ يعرض مجموعة من النظارات، مرتبة بطريقة مثالية على أرفف بسيطة من الخشب.

اسم إيريس مستوحى من آلهة يونانية خيالية لألوان الطيف، بس دلوقت هو بـ يستخدم كاسم لوصف الجزء الملون من العين. وعلشان كثير مننا مضطر أنه يلبس النظارة -مش باختيار منه- لازم نحس بالراحة لما نلبس حاجة زى دى. وهنا بقى يبدأ دور إيريس ديزاينرز.
إيريس ديزاينرز هو مشروع عائلى صغير، وبـ يختاروا النظارات المعروضة عندهم بالواحدة علشان يضمنوا أن مجموعتهم تضم أحسن التصميمات من أكبر المصممين القديرين. قابلنا واحد من أصحاب المحل كان عنده من المعرفة والحماس اللى يخليه يجاوب على كل أسئلتنا عن الماركات، والموديلات وحتى العدسات سواء بكشف أو من غير. فريق أيريس يقدر يركب أى كشف عدسات على كل أنواع النظارات وحتى على التكنولوجيا الجديدة المضادة للصدمات من هويا.
إيريس ديزاينرز مش بس بـ يقدم نظارات طبية، ده كمان عنده مجموعة كبيرة من نظارات شمس شيك من أسماء معروفة زى بلجارى، وبولو، ورالف لورين، وبرادا، وبربيرى، وتوم فورد، ودولشى & جبانا، وبيرسول وملوك نظارات الشمس راى بان وفوج. رغم أن معظم الموجود يناسب السيدات أكثر، فيه كمان مجموعة صغيرة مناسبة للرجال وللجنسين. أسعار نظارات شمس راى بان وفوج تتراوح بين 780 و1500 جنيه على حسب الموديل. أيريس كمان عنده عدسات ملونة غير تقليدية، تقدر تضيف لمسة مختلفة على أى نظارة تختارها، وكمان تكنولوجيا العدستين الإضافية الحصرية القابلة للتبديل من راى بان بسعر 2460 جنيه.
عدسات مدورة شبه نظارة هارى بوتر لسبب مجهول واضح أنها بدأت تدخل حيز الموضة للرجال والسيدات. نزلت بيرسول نظارة بإطار رفيع سعرها 1915 جنيه. أيريس ديزاينرز كمان بـ يقدم حصريًا نظارات روشة من الخشب صديقة للبيئة من شوود بعدسات تقلل من انعكاس الضوء إما مدورة (2500 جنيه) أو مربعة (2100 جنيه).
مجموعة كبيرة للسيدات برضه من النظارات المبهرة. إحنا تقريبًا جربنا كل الموجود وأضفنا معظمهم لقائمة أحلامنا من المشتريات. فى الأول شوفنا نظارة شمس كلاسيكية كبيرة لونها أسود من بلجارى سعرها 3320 جنيه وواحدة بنفس الحجم من برادا لونها غريب سعرها 1970 جنيه. كمان وقعنا فى حب موديل Mediterranean من بلجارى ” sporting stones and gems on the temples” –مشهورين من الإعلانات- بسعر 3290 جنيه. وبجانب ده، دولشى & جابانا نزلت نظارة رائعة على الموضة، على شكل جلد الفهد ودى سعرها كان 2900 جنيه.
وقت زيارتنا كانوا منزلين عرض لطيف؛ أخذنا 5 ستيكرات على شكل يد إبهامها بـ تشاور لفوق زى شعار لايك على الفيسبوك علشان تختار بهم نظارتك المفضلة. كل ستيكر منهم بـ يقدم تخفيض 5%، وكده نظريًا نقدر نأخذ خصم 25% على سعر أى نظارة.
ورغم أن النظارات فى إيريس ديزاينرز تعتبر من فئة السعر العالي، لكن الأناقة والجودة المقدمين من مصممين عالميين تستحق ثمنها.

نصيحة 360

زور فرعهم فى شارع البرازيل بالزمالك وانتظر كمان افتتاح إيريس أوبتيكس فى الدقى. دلوقت، اعمل لايك لصفحتهم على الفيسبوك.

أحسن حاجة

تجربة التسوق السهلة التفاعلية بـ تسمح لك تجرب النظارات بمنتهى السهولة.

أسوأ حاجة

إيريس ديزاينرز بالتأكيد مش رخيص، بس نقول مرة ثانية، النظارات دى تستحق كل قرش يدفع فيها.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح