The Definitive Guide to Living in the Capital , Cairo , Egypt

تسوق
الشريف بيوتيه – Al Sharif Beauté

الشريف بوتيه: عطور وأدوات تجميل وإكسسوارات في الزمالك

تم التقييم بواسطة
Dina Mokhtar
قيم
قيم الآن
الشريف بوتيه: عطور وأدوات تجميل وإكسسوارات في الزمالك

من المحلات اللي بـ نحاول على قد ما نقدر أننا نبعد عنها حفاظًا على سلامة المحفظة هي محلات العطور والماكياج؛ كل حاجة مغرية في المحلات دي، ده غير أن كل منتج –بالذات الماكياج- له ملحقاته ومكملاته اللي بـ تستخدم معاه علشان اللوك يبقى Perfect، بـ نتمنى أنهم في المستقبل يصنعوا منتج بـ يعمل كل حاجة بدل البهدلة اللي المحفظة بـ تتبهدلها معانا.

في شارع المرعشلي في الزمالك فتح محل عطور وماكياج جديد اسمه الشريف بوتيه – Al Sharif Beauté، وبغض النظر عن الاسم، مجرد ما لمحنا من الواجهة الزجاجية الـ Stands  الخاصة بالماكياج بدون تفكير قررنا ندخل، المحل مش كبير كعادة المحلات اللي من النوع ده، وبالتالي عدد الـ Stands ستة لماركات أسعارها معقولة زي Bourjois الفرنسية، Jordana  الأمريكية، Deborah الإيطالية (اللي كان لها 3 ستاند لوحدها) وماركة العناية بالأظافر السويسرية Mavala، استغربنا أن المحل مش موجود فيه الماركات العالمية الكبيرة زيDior  أو Chanel، واللي ممكن تلاقي صدى في منطقة الزمالك.

بالرغم من أن فيه منتجات مالهاش Testers زي درجة الروݘ اللي كنا بـ ندور عليه، إلا أن القائمة على الخدمة حاولت بقدر الإمكان أنها تلاقي لنا أقرب درجة لون لهTester  علشان نجربه، الخدمة هناك ممتازة وخصوصًا أن القائمين على خدمة البيع بـ يعطوا لنا مساحتنا في الجولة، ولكن على أتم الاستعداد أنهم يساعدوا في أي وقت.

عجبنا من Bourjois الكحل السائل واللي متوفر منه أقلام تشبه الـ Markers، أو الشكل المعتاد (زجاجة وريشة) والنوع الثاني كان سعره (85 جنيه)، أما من مجموعة Deborah فلاحظنا أن مجموعة الروݘات كبيرة ومتنوعة بحسب خط الإنتاج، فمنها بالشكل العادي (90 جنيه) بألوان كلاسيكية ومنها أقلام أطول نسبيًا (شبه أٌقلام الألوان) سعرهم (50 جنيه) بـ تتميز بأن ألوانها مواكبة للموضة أكثر.

الدور الثاني للمحل فيه مجموعة كبيرة من العطور الرجالي والحريمي: تقريبًا كل الماركات والأسعار موجودة هناك من أول S.T. Dupont، on كل الماركات والأسعار موجودة هناك من أول الرجالي والحريمي، وواجهة فيها عدد كبير من الإكسسوارات الفضة السويسرية، وPaco Rabanne بـ (50 جنيه) وحتى عطر المصمم Karl Lagerfeld، في نفس الدور فيه مجموعة من الإكسسوارات المصنوعة من الفضة السويسري، واللي تصميماتها أغلبها فيها أحجار شبه الألماس ولمعان الفضة نفسها يشبه الذهب الأبيض، الأسعار أكيد بـ تختلف باختلاف تصميم وحجم القطعة، إلا أن سعر القطعة الصغيرة زي حلق بسيط مثلًا ممكن تعمل 105 جنيه.

بجانب الكاشير فيه Stand لمجموعة من الساعات ماركاتFossil  وCK: عجبنا من الرجالي ساعة Fossil معدنية ضخمة لونها فضي سعرها 1395 جنيه، ومن الحريمي ساعةCK  ذهبي "أوستيكها" الذهبي الرفيع شبه الإسورة سعرها كان 2975 جنيه.

المحل كمان بـ يقدم عروض كثيرة وممكن توفر لك في مناسبات مختلفة زي عيد الحب وعيد الأم، وبعكس أماكن كثيرة الشريف بوتيه قدم لنا Tester عطر Burberry The Beat مع مشتراياتنا مع أننا اشترينا حاجة واحدة.    

نصيحة 360

المحل بـ يعلن عن العروض على صفحة الفيسبوك الخاصة به.

أحسن حاجة

حركة الـ Tester المجانية دي عجبتنا، وكفيلة أنها ترجعنا ثاني.

أسوأ حاجة

الاختيارات بين ماركات الـ Make-Up محدودة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح