The Definitive Guide to Living in the Capital , Cairo , Egypt

تسوق
بيتس & بايتس

بيتس & بايتس: إكسسوارات للموبايل واللاب توب في سيتي ستارز

تم التقييم بواسطة
Salma Tantawi
قيم
قيم الآن
بيتس & بايتس: إكسسوارات للموبايل واللاب توب في سيتي ستارز

الدور
الأرضي في سيتي ستارز مليان محلات إلكترونيات بـ تبيع كل أنواع الأجهزة
والإكسسوارات. محل واحد لفت نظر الناقدة كاتبة الموضوع بشدة بإضاءته الخافتة
والحوائط المرصوص عليها موبايلات وإكسسوارات. «بيتس & بايتس – Bits & Bytes» عنده تشكيلة مميزة من الإلكترونيات سواء للمحترفين ومحبي
التكنولوجيا أو لأي حد بـ يدور على أي قطعة أو إضافة شكلية لتليفونه. المحل فيه
اختيارات كثير للاب توب والكاميرات الديجيتال والكمبيوترات بشاشات باللمس وكمان
منتجات شركة Apple  بأسعار منافسة.

فيه
أجهزة آي باد 2 و3G بأسعار أقل من الموجودة في مصر بحوالي 400 جنيه، اللي سعته 64
جيجا سعره 5800 جنيه وعنده المنتج المنافس من شركة سامسونج وهو “جالاكسي
تاب”. الآيفون الوحيد اللي عنده كان iPhone 4 سعته 32 جيجا وكان مقفول على شبكة واحدة وسعره 5200 جنيه.

الكاميرات
الديجيتال الصغيرة موجودة بموديلات وماركات كثيرة، فيهCanon  وGenius بأسعار بـ تبدأ من 300 جنيه. واضح أن ما عندهمش تنوع كبير في
أنواع اللاب توب، لكن هـ تلاقي الموديلات الجديدة الأكثر شعبية وانتشارًا بأسعار
كويسة لكن أغلى شوية من باقي محلات الكمبيوتر المتخصصة خارج المول. ممكن تتصل
بالمحل وتعرف أي تفاصيل خاصة بموديلات الكمبيوتر وإمكانياته قبل ما تروح.

أرفف
وصفوف كثير مليانة إكسسوارات ملونة من البلاستيك للموبايل، وبأشكال غريبة ومبتكرة،
وممكن تغير شكل الآيفون أو البلاك بيري أو أي تليفون ذكي وتخلي شكله مطرقع أو بـ
يلمع باستخدام الأغلفة العجيبة بأسعار تبدأ من 15 جنيه.

أكثر
من ستاند في كل حتة في المحل عليهم شنط لاب توب، مصنفين حسب الحجم، من الصغير للكبير.
وعندهم تصميمات وألوان حلوة وخامات جلد للناس المهمين. عجبنا شنطة لونها بمبي
بناتي خالص وكان سعرها 100 جنيه وكان ملمسها ناعم وتقفيلها كويس. الحاجة العظيمة
في «بيتس & بايتس» أنك ممكن تشوف كل حاجة معروضة في المحل وأنت واقف بره من
خلال الزجاج. وممكن كمان تشوف بعض الأسعار قبل ما تدخل وتبدأ تسأل العاملين بالمحل
عن تفاصيل المنتج.

العاملين
بالمحل محترفين جدًا وعارفين يجاوبوا على كل استفساراتنا وكانوا بـ يرشحوا لنا
موديلات معينة من وسط كل المعروضات حسب احتياجاتنا وميزانيتنا، وخرجنا من المحل
بزيارة مفيدة وتجربة جديدة ومش متعبة.

نصيحة 360

لو ما لقيتش الكاميرا اللي بـ تدور عليها ممكن تدخل «سبينيز – Spinney’s» في نفس الدور وهـ تلاقي عندهم تشكيلة ظريفة وبأسعار كويسة.

أحسن حاجة

الخدمة الممتازة ومنتجات Apple أرخص من أي مكان ثاني.

أسوأ حاجة

مافيش صيانة، بيع فقط.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح