The Definitive Guide to Living in the Capital , Cairo , Egypt

تسوق
تي جي بي – TGB

تي جي بي: صالة عرض دراجات مثالية فى المعادى

تم التقييم بواسطة
Alicia Yassin
قيم
قيم الآن
تي جي بي: صالة عرض دراجات مثالية فى المعادى

أملاً فى وسيلة تنقل تحافظ على هدوئك وسط زحام القاهرة الرهيب، شراء دراجة ثنائية العجلات تعتبر فكرة جذابة جداً. لكن المشكلة أن زي حاجات كثيرة فى القاهرة، لازم تبذل جهد زيادة عشان تلاقي طلبك بالضبط. على شارع اللاسلكى فى المعادى الجديدة، ” تي جي بي-TGB” بـ يقدم مجموعة من الدراجات لكل الأغراض. صحيح احنا مش بـ نشجع ركوب النوع ده على الكباري والطرق السريعة، لكنهم بالتأكيد وسيلة تنقل فعالة للمسافات القصيرة والمشاوير الصغيرة.

معروض أمام المحل، أو تحديداً صالة العرض، عدد قليل من الدراجات؛ دراجة بيلّافيتا Bellavita لونها بيج وسعة محركه 300 سي سي سعرها 28900جنيه، أما موديل أكبر، برضه سعة محركه 300 سي سي، سعره مستعمل 26000جنيه. موتور أقل شوية سعة 125سي سي عليه شعار Xmotion سعره 16000جنيه للجديد أو 14000جنيه للمستعمل.عندهم كمان دراجات خاصة بخدمات التوصيل، سعرها 14800جنيه.

عدد الاختيارات المتاحة وقت زيارتنا ماكانش كبير، ولكن عادة شحنة مكونة من عشر دراجات بـ توصل تقريباً كل شهرين، تقدر تحجز واحدة منهم وتطلب مسبقاً لون معين من بين الرمادى، الأبيض، البنى وألوان أخرى.

داخل المحل الصغير تشكيلة من الاكسسوارات الخاصة بالموتوسيكلات والدراجات. مجموعة لطيفة من الخوذ الواقية تتراوح بين وزن خفيف، مقاسات صغيرة (500-600جنيه)، اصدارات مقواة من Harley Davidson بسعر 1680 جنيه، لغاية خوذ قوية شديدة التحمل للدراجات البخارية (+2500جنيه).

موجود كمان مجموعة معقولة من العدد، بأحجام وأنواع مختلفة، وأسعار تتراوح بين 60جنيه و140جنيه. شوفنا كمان واقي للجسم وقفازات (100جنيه-200جنيه)، تيشرتات وسويت شيرتات عليهم شعارات مختلفة، مع ستيكرات لدراجتك؛ الكلام ده يشمل اختيارات مثيرة للجدل منها شعار بلاى بوى، تصميم لشكل عقرب وجملة جريئة معناها ” لا تقبّلنى” أو ‘Don’t Kiss Me” بأسعار من 16 لـ 24 جنيه. المحل كمان بـ يقدم باندانات ظريفة (40 جنيه)، رغم أن جودتهم منخفضة لحدٍ ما.

دائماً في عمليات الشراء الكبيرة، الموظفين بـ يكونوا موضوع جدال فى النوع ده من الأماكن. موظفين تي جي بي على العموم يتمتعوا بدراية كاملة عن منتجاتهم وقدروا يجاوبوا على كل أسئلتنا. كمان قدروا يتكلموا بلغة فنية بحتة ويفسروا الكلام لغير الملمّين بمفاهيم المحركات.

صحيح الاختيارات المتوفرة من الدراجات قليلة، تي جي بي بـ يقدم مكان مناسب لشراء دراجة، خصوصاً لو كانت أول مرة بالنسبة لك.

نصيحة 360

بـ يوصلوا دراجتك للمكان المطلوب مع ضمان وصيانة لمدة سنة.

أحسن حاجة

حل أكيد لمشكلة المرور!

أسوأ حاجة

نقص الاختيارات في صالة العرض؛ الطلب المسبق محتاج حوالي شهرين.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح