The Definitive Guide to Living in the Capital , Cairo , Egypt

جاليري ألف

جاليري ألف: سلطنة زمان في الزمالك

  • 14 شارع محمد أنيس
  • أثاث ومستلزمات منزل
  • 01001534330,0227353690
  • 10:30 صباحاً - 2 مساءً / 5 مساءً - 8 مساءً (عدا أيام الأحد وشهر أغسطس)
تم التقييم بواسطة
Ahmed Abd El Gawad
قيم
قيم الآن
جاليري ألف: سلطنة زمان في الزمالك

الفن:

مش كل جاليري بـ يقدم تحف تتعلق وبس.. مش كل جاليري علق مجموعة لوح يبقى اسمه جاليري.. مش لحاجة نقدر نقول عليها فن.. قبل ما نتكلم عن المكان لازم نقول أن الفن حالة مختلفة.. حالة بـ تخليك تحس بكل حاجة حولك.. وتشوفها من منظور ثاني.. تشوفها بعين الروح.. يعني الفن الحقيقي هو اللي له 3 علامات:

يجدد روحك ويحسسك بالسعادة، يقدم معنى قايم على قيمة حقيقية، يكون فيه جديد للعين والعقل والقلب.. حتى لو مستوحى من التراث.

 

الجاليري:

يا ترى يعني إيه جاليري؟ واشمعنى الاسم ده انتشر الفترة الأخيرة في حياتنا الفنية والثقافية؟ مش هـ نطول عليكم إحنا جرينا على عم جوجل وسألناه.. إيه الموضوع.. فقال لنا:

الجاليري هو البهو اللى فيه أعمدة.. أو صالة عرض لبيع الآثار الفنية.. والجاليري يا سادة.. مع أنه اسم أجنبي لكنه بالفعل متماشي جدًا مع الحالة اللى بـ نتكلم فيها.. هو بـ يجمع بين فكرة البهو (الصالة الواسعة في القصور) واللى فيها أعمدة فنية.. وبـ يجمع كمان فكرة صالة بيع الآثار الفنية.. وفكرة المعرض.. يعني كلمة فنية من ساسها لراسها.. وعلشان كده بـ نحاول نشوف ألف بـ تعمل إيه فى الفن.

 

ألف:

صالة واسعة جدًا ومكان أصلًا عبارة عن تحفة.. جنب بوابة دخول فندق هيلتون في الزمالك.. من أول باب الجاليري هـ تحس أنك انتقلت لعالم مختلف تمامًا، عالم كده فيه حالة من "السلطنة" بتاعة زمان.. داخل المكان هـ تلاقي اختصار للجمال والفن.. في كل ركن مستخدمين حاجة.. في كل حتة هـ تشوف جمال اللوح والسجاد والتحف بأشكالها المختلفة وكمان بعض الأثاث المنزلي.. لكنه مش زي أي أثاث دي حالة كده بـ تقول إحنا مش بـ نعمل أي حاجة.. إحنا عاوزين نقدم الفن على أصوله.. صراحة هـ تنبهر من جمال التحف هناك.. كل حاجة معمولة بمقاس محدد وبشروط جمالية واضحة جدًا والناس كمان هناك مهذبين جدًا.. عارفين أن اللى بـ يدخل المكان عاشق للفن في المقام الأول.. علشان كده بـ يعاملوه بشكل مهذب ومحترم وبـ يجاوبوا على كل الأسئلة..

ألف معرض تاريخي بصورة معاصرة.. فكرته قايمة على تقديم المشروعات الفنية الجاهزة.. وكمان التصميم الداخلي للشقق والمنازل والفنادق والبوتيكات بحثًا عن البصمة التاريخية… وعندهم فريق من المخططين والمهندسين المعماريين ومصممي الديكور الداخلي، وهدفهم صناعة صيغة فنية مستوحاة تاريخيًا علشان يعملوا حالة من النهضة الثقافية.

نصيحة 360

زوروا صفحتهم على الفيسبوك.

أحسن حاجة

التحف الفنية اللى في المكان.

أسوأ حاجة

الأسعار غالية جدًا.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح