The Definitive Guide to Living in the Capital , Cairo , Egypt

تسوق
جود

جود: مستلزمات المنزل بشكل جديد فى المهندسين

  • 21 شارع جزيرة العرب
  • أثاث ومستلزمات منزل
تم التقييم بواسطة
Shaimaa El Gammal
قيم
قيم الآن
جود: مستلزمات المنزل بشكل جديد فى المهندسين

رغم أن كثير من الناس مش بـ يهتموا
بإكسسوارات البيوت والأدوات المنزلية إلا أن البعض الآخر بـ يهتم بها جدًا وعارف أن
ديكورات البيت والأدوات المنزلية الحلوة بـ تعكس الانطباع الأول عن مدى اهتمام
الست بشياكة بيتها.

هو ده المبدأ اللي دفع الفنانة
التشكيلية ومصممة الجرافيك دينا فاضل أنها تحول الأشكال التقليدية للصواني والأكواب
وقواعد الشاي وغيرها من قطع تقليدية نمطية بـ نشتريها للبيت للوحات فنية ومعرض
متنقل لتصميماتها ودماغها، ومن هنا كانت بداية مشروعها “جود” اللي بـ يقدم
الأدوات المنزلية والقطع المستخدمة في الديكور بشكل جديد.

دينا بـ تقول عن بداية مشروعها: “بعد
ما لاحظت أن ستات كثير بـ يتعاملوا مع إكسسوارات البيت بإهمال شديد بالإضافة للشكل
النمطي الروتيني للصواني والماجات والأكواب وغيرها، قررت أني لازم أعمل مشروع يغير
الواقع ده وسميته “جود” لأنها كلمة معناها الكرم وده اللي بـ يميز
البيوت المصرية بالإضافة لأنه اسم مناسب للروح الشرقية التراثية اللي بأراعيها في
تصميماتي”.

دينا بدأت
مشروعها زي ناس كثير على الفيسبوك وكانت حريصة أنها تشارك بمنتجاتها في معارض كثير،
ومن معرض لمعرض وباجتهاداها قدرت تفتتح مؤخرًا محلها الأول في شارع جزيرة العرب في
المهندسين.

علشان توصل
للمحل ادخل شارع جزيرة العرب من عند شارع 
جامعة الدول العربية وامشي شوية هـ تلاقي المحل جنبTommy Hilfiger .

ومن فترة قصيرة اختار Baymen فرع فور سيزونز مجموعة من المصممين علشان يعرضوا منتجاتهم فيه وكان
منهم دينا فاضل وبكده هـ تقدر تشتري منتجات جود من هناك كمان لو حبيت.

المحل تنسيقه مميز وأنيق جدًا، أول
ما تدخل هـ تلاقي حائط لونهdark
aqua  مُعلق عليها خداديات (مخدات) كثيرة
مطرزة ومكتوب عليها “اتفضلوا”. بالإضافة لإضاءات مختلفة هـ تحسسك بجو
البيت الدافئ الحميم واللي هـ يزود ده المزيكا الشرقي والغربي الهادئة اللي هـ تسمعها
في المحل وأنت بـ تتفرج على المعروضات.

هـ تلاقي في المحل 3 أقسام: القسم
الأول مصمم وكأنه غرفة في بيت، معروض فيها المنتجات بشكل جمالي هـ يخليك تحس
بالبهجة اللي هـ تضفيها على بيتك لو اشتريتها ومعلق فيه ستائر بشكل مختلف وفيه حس إبداعي.
القسم الثاني عبارة عن أرفف عادية زي بتاعة المحلات كلها معروض عليها  كل أشكال المنتجات بشكل منظم ومرتب. أما القسم
الأخير فهو قسم خاص بدينا فاضل فيه مكتبها الشخصي ومُعلق على حوائطه لوحاتها
التشكيلية المعروضة للبيع طبعًا.

ماركة “جود” مشهورة جدًا
في مصر بحاجتين: الـcoasters  أو قواعد
الشاي والصواني واللي بدأت دينا بهم مشروعها من البداية قبل ما يتفرع شغلها ويشمل
قطع أكثر في إكسسوارات البيت.

بالنسبة لقواعد الشاي فالمميز
فيهم أنهم بـ يترصوا جنب بعض بشكل أفقي وبـ يكونوا لوحة واحدة أو شكل مترابط على
عكس كل الكوسترز اللي بـ يتباعوا في السوق واللي هـ نلاقيهم بـ يترصوا فوق بعض، كوسترز
دينا كمان مش مجرد قواعد علشان نحط عليها الكوبايات السخنة بالعكس ممكن نعتبرهم
قطعة ديكورية لتجميل أي ترابيزة في البيت خصوصًا وأن تصميماتهم جديدة قوي وبـ تتميز
بالطابع الشرقي الفلكلوري. الجديد الصيف ده الـ coaster tray ودي عبارة
عن صينية صغيرة جدًا جدًا معاها 4 قواعد شاي وسعرهم 160 جنيه.

أما الصواني المصنوعة من الخشب فـ
نازل منها الصيف ده أشكال جديدة ومبهجة، زي صينية الكفوف وصينية البومة والعصفورة
وصينية عرائس الماتروشكا الروسية. سعر الصينية المتوسطة الحجم 190 جنيه والكبيرة
280 جنيه أما صينية السرير فسعرها 370 جنيه.

هـ نلاقي كمان مجموعة كبيرة من
الكوبايات والماجات. وماجات الصيف ده ملونة من الداخل بألوان زاهية، وبيضاء من الخارج
ومعاها ملعقة وتصميماتها متوافقة مع تصميمات الصواني والقطع الأخرى وسعر الواحد 60
جنيه.

هـ نلاقي كمان حاجات متنوعة زي
البراويز الخشب اللي عليها صور فنانين مصريين والشموع الكبيرة اللي عليها تصميمات
جرافيك من الخارج وخداديات وphoto
boxes  مزينة بصور الفنانين اللي أضافت دينا صور جديدة
لهم السنة دي هما إسماعيل ياسين وتحية كاريوكا وعبد الحليم حافظ بناءً على طلب
عملائها.

نصيحة 360

منتجات «جود» من أحسن الحاجات اللي ممكن تدخل بها كهدية على أي حد متزوج جديد.

أحسن حاجة

التنوع الكبير في التصميمات والمنتجات.

أسوأ حاجة

ارتفاع سعر بعض القطع في المحل.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح