The Definitive Guide to Living in the Capital , Cairo , Egypt

تسوق
جولي للبصريات – Joly Optics

جولي: نظارات شمسية وطبية في الدقي

تم التقييم بواسطة
Waleed Abuarab
قيم
قيم الآن
جولي: نظارات شمسية وطبية في الدقي

فروعه منتشرة في كل أحياء القاهرة، له لوجو مميز بالألوان الفضي والأحمر
تقدر تميزه من بعيد، بصريات «جولي- Joly» واحد من أهم محلات
النظارات الشمسية والطبية في مصر، وبسهولة ممكن تروح تختار من بين كل الموديلات العالمية
الموجودة عنده وبـ تتجدد بشكل موسمي، وطبعًا الخدمة هناك احترافية ومتخصصة وده بـ
يسهل مهمتك أكثر وأكثر.

زرنا فرع الدقي الموجود في شارع مصدق، المساحة من الداخل مش كبيرة لكن
الستاندات موزعة بشكل منظم، وكالعادة هـ تلاقي موديلات الموسم الجديد New
Arrival في أول ستاندات هـ تقابلك عند
مدخل المحل، وكان فيها التشكيلة المعتادة من Police وPrada وموديلات خاصة للسيدات من  المصممين العالميين زي Chanel و Bulgari واللي أسعارهم كانت بـ
تتراوح ما بين 2000 لـ 3000 جنيه. وستاند عليه موديلات الأﭭياتور التقليدية للـ Ray-Ban اللي مش بـ تتغير أبدًا، لكن عجبنا موديلات جديدة
فيها عدسات خاصية الاستقطاب أو Polarized Sunglasses ودي بـ تتلخص في حجب الأشعة الضارة عن العين وتجميع
الضوء بشكل معين لرؤية أفضل على الطريق، وبـ تمنع رؤية السراب على الطرق السريعة
وفي الصحارى وهكذا، ممكن تعمل اختبار سريع وأنت في المحل وتجرب تلبسها وتشوف كتابة
مش واضحة على ورقة معينة، وبـ تظهر الكلمات بوضوح بمجرد ما تلبس النظارة.
موديلاتها بألوان مختلفة منها الأزرق والرمادي والأسود وأسعارها بـ تبدأ من 1100
جنيه للشنبر البلاستيك وباقي الموديلات من 1700 لـ 2500 جنيه.

دورنا على موديلات Oakley اللي بـ نحبها لقينا ستاند في آخر المحل لكن
ما كانش معروض موديلات كفاية من النظارات الشمسية وكان كل الموجود شنابر طبية
بألوان جذابة وأسعار بـ تبدأ من 1000 جنيه، وعرفنا أن قريب هـ ييجي لهم موديلات Oakley
الشمسية الجديدة.

فيه عرض كان اتعمل في عيد الأم اللي فات وهو لسه مستمر لحد دلوقتي وهو عرض 3×1 اللي فيه تقدر تأخذ أي نظارة
سعرها لا يزيد عن 850 جنيه لو اشتريت أي نظارة بنفس السعر أو أكثر، وبـ تأخذ كمان
قسائم شراء لمطاعم «يتسا» اللي في مول العرب في 6 أكتوبر بقيمة 200 جنيه، بصراحة
عرض مغري، وهـ تلاقي موديلات كثير شيك جدًا بالـ 850 جنيه أو أكثر شوية، ومعظمها
من ماركة Tommy Hilfiger المعروضة على استحياء في أحد جوانب المحل.

كل الماركات موجود منها الطبي والشمسي زي Gucci، Dior، Tiffany
& Co وPolar وغيرهم، وطبعًا «جولي» بـ يعمل العدسات الطبية بجودة
عالية جدًا، والاستلام في نفس اليوم.

الموظف اللي في الفرع كان مهذب وسابنا على راحتنا في الفرجة والتجريب، لكن
المشكلة أنه لازم يبقى قريب جدًا مننا طول الوقت وطبعًا دي سياسة المحل، ودي حاجة
قد تكون مزعجة لبعض الناس.

نصيحة 360

الحق استفيد من عرض الـ 3x1 ، بجد مغري ومناسب جدًا لو ناوي تجيب هدية لحد، أو لو عاوز تكافئ نفسك بالمرة.

أحسن حاجة

نظارة راي بان Ray-Ban في علبة أنيقة معاها 3 أنواع عدسات بألوان مختلفة، سهلة الفك والتركيب منهم واحدة Polarized، سعرها 2300 جنيه.

أسوأ حاجة

ليه في محلات النظارات لازم موظف البيع يبقى قريب من الزبائن كده! 

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح