The Definitive Guide to Living in the Capital , Cairo , Egypt

تسوق
جيبسي جيمز – Gypsy Gems

جيبسي جيمز: متجر إلكتروني للإكسسوارات المبتكرة والأحجار الكريمة الطبيعية

  • تسوق عبر الإنترنت فقط
  • إكسسوارات
تم التقييم بواسطة
Aliaa Serry
قيم
قيم الآن
جيبسي جيمز: متجر إلكتروني للإكسسوارات المبتكرة والأحجار الكريمة الطبيعية

البيع عن طريق تطبيق إنستجرام بـ ينتشر بصورة رهيبة وقدر يغير خريطة التسوق الإلكتروني تمامًا، الواحد يقدر يشتري أي حاجة مستوردة كانت أو محلية من ملابس، أحذية وشنط يد لغاية الإكسسوارات والماكياج عن طريق واحد من أكبر المتاجر الإلكترونية اليومين دول.

الأختين هبة وعلياء عماد أصحاب مشروع "جيبسي جيمز – Gypsy Gems" اللي بـ يبيع حلّى غير تقليدية أغلبها مطلي بالفضة مع قطع من الأحجار الكريمة الطبيعية، من دلّايات على شكل رصاصة لخواتم وعقود شكلها مبتكر، جيبسي جيمز بـ يقدم كل أنواع الإكسسوارات الجذابة والميزة فيها أنها مش منتشرة، الموضوع عبارة عن مشروع خاص بهم وده بـ يظهر في حب الأختين للإكسسوارات البوهيمية.

من الحاجات اللي عجبتنا عقد على شكل مجرّة داخل شكل هلالي (140 جنيه)، وخاتم عقيق (120 جنيه)، وعقد من حجر الجيود الكريم (160 جنيه) وعقد من حجر الكوارتز المطلي بالتيتانيوم (80 جنيه)، مع دلّايات ملونة على شكل رصاصة (130: 150 جنيه).

طلبنا دلّاية من الحجر الرملي (150 جنيه) عن طريق رسالة مباشرة على حسابهم، عندك حلين للتوصيل، يا طلبك يوصلك خلال يوم أو اثنين وتدفعي 30 جنيه زيادة أو تستلمي طلبك في مكان متفق عليه، قدرنا نحدد معاهم ميعاد واستلمنا الطلب بعدها بكام يوم.

العقد كان تقريبًا بنفس الشكل الموجود في الصورة، والدلّاية كانت فخمة بلونها البنفسجي في أسود مع حبيبات لامعة، العقد نفسه كان أقصر شوية من المتوقع بس مش مشكلة.

بشكل عام، فى رأينا أن أفكار جيبسي جيمز في الإكسسوارات لطيفة جدًا، وطبعًا خدمتهم لا يُعلى عليها، الأسعار كمان تعتبر معقولة لحد كبير نظرًا لأن أغلب المجوهرات المستخدمة من الأحجار الطبيعية.

نصيحة 360

جيبسي جيمز دائمًا عندهم مجموعة جديدة، تابعوا صفحتهم على إنستجرام باستمرار.

أحسن حاجة

المنتجات المميزة وأصحاب المشروع الودودين.

أسوأ حاجة

كنا فاكرين السلسلة هـ تكون أطول شوية.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح