The Definitive Guide to Living in the Capital , Cairo , Egypt

تسوق
ريسيرفد – Reserved

ريسيرفد: ماركة الملابس الأنيقة تفتتح أول فروعها في مصر داخل كايرو فيستيفال سيتي

  • داخل كايرو فيستيفال سيتي
  • ملابس رجالي
  • 10 صباحًا - 12 صباحًا -
تم التقييم بواسطة
Aliaa Serry
قيم
قيم الآن
ريسيرفد: ماركة الملابس الأنيقة تفتتح أول فروعها في مصر داخل كايرو فيستيفال سيتي

المنافسة الحاصلة وسط مشهد الأزياء المصري قوية جدًا، وسط عدد كبير من المولات والماركات الأجنبية اللي بـ تجتاح البلد، من الصعب أنك تلاقي ملابس تجمع بين السعر المعقولة والجودة المناسبة.

لحسن الحظ، اسم شهير في عالم الأزياء هو "ريسيرفد – Reserved" افتتح أول فروعه في الشرق الأوسط في كايرو فيستيفال سيتي مول، مافيش كلام أنك من الصعب تجذب عشاق الموضة القاهريين في ظل وجود أسماء مشهورة، لكن مع تقديم ملابس أنيقة بأسعار مناسبة، ريسيرفد عنده القدرة على التواجد.

ريسيرفد بـ يعرض ملابس للرجال، السيدات والأطفال، تشمل ملابس داخلية، ملابس كاجوال وسهرة، وملابس رسمية/ سمارت كاجوال، بالإضافة لأحذية، وكل ده تحت سقف واحد. وسط ديكورات المحل الأنيقة بألوان الأسود والأبيض، المحل يتميز بروح عصرية جذابة.

من وقت دخولنا، كان معانا واحد من المبيعات بـ يسألنا إذا كنا نعرف أي معلومات عن الماركة، وشرح لنا معلومات أساسية عنها وبعدها سابنا نتمشى بحريتنا. قسم الحريمي، واللي بـ يحتل النصف الأمامي من المحل، مقسوم لقسم الملابس السمارت وقسم للكاجوال.

الحاجات اللي شدّت انتباهنا شملت فستان كوكتيل باللون الأزرق النيون (299 جنيه)، بوت أسود بكعب (699 جنيه)، شنطة يد شيك (479 جنيه) وبلوفر طويل مضفر باللون الرمادي (459 جنيه).

بعدها تمشينا شوية لحد ما وصلنا للنصف الثاني من المحل، وهناك تفرجنا على قسم الرجالي، واللي كان فيه تشكيلة من التي شيرتات بأكمام طويلة (139 جنيه)، تي شيرتات مطبوعة (150 جنيه)، بليزر أزرق سمارت كاجوال (480 جنيه)، جاكيت منفوخ بغطاء للرأس (459 جنيه) وبنطلونات نحيفة باهتة شوية (299 جنيه).

بشكل عام، مسئول المبيعات كان مهذب وجاهز للمساعدة، لكن أوقات كنا بـ نحس الموضوع فيه إلحاح شوية. طبعًا إحنا بـ نقدر المساعدة، لكن عرضه لتقديم مقاسنا مع كل قطعة نلمحها ممكن يكون مربك شوية.

من ناحية الجودة، الملابس الموجودة مش مبهرة للدرجة، لكن في الوقت نفسه المحل بشكل عام بـ يقدم منتجات متناسبة مع سعرها وكان واضح فعلاً أن الأسعار معقولة. المهم هنا أننا أكيد هـ نرجع لهم في زيارة ثانية في رحلة تسوق تحافظ على ميزانيتنا من التدمير.

نصيحة 360

اتفرج على lookbooks الموجودة على صفحة ريسيرفد على الفيسبوك علشان تشوف إبداعات في عالم الأزياء ممكن تساعدك تجمع ملابسك من المحل.

أحسن حاجة

المحل بـ يقدم أغلب الملابس اللي ممكن تحتاجها في مكان واحد وبأسعار مناسبة.

أسوأ حاجة

إلحاح موظف المبيعات علينا طوال الوقت.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح