The Definitive Guide to Living in the Capital , Cairo , Egypt

زفير – Zafir

زفير: تي – شيرت مصري أصلي

  • 15ب شارع طه حسين
  • أطفال
  • 01009763602
  • 11 صباحاً - 11 مساءً (عدا أيام الأحد)
تم التقييم بواسطة
Lena Alsayegh
قيم
قيم الآن
زفير: تي – شيرت مصري أصلي

فتح سنة 2006 وهو مبني على فكرة إستخدام أي حاجة ليها علاقة
بالثقافة والبيئة المصرية في رسومات وعلامات علي تي – شيرتات. «زفير» بـ تسوَّق
نفسها على إنها وسيلة الشباب المصري للتعبير عن نفسه، ومكان يعرض فيه المصممين والفنانين الهواة أفكارهم
وتصميماتهم. المحل فيه تي – شيرتات مكتوب عليها بالعامية المصرية الجريئة وممكن
يكون مكتوب مثل شعبي أو حكمة أو أقول مأثورة أو كتابة بـ خط اليد أو لافتات طرق أو
الكلام اللي بـ يتكتب على العربيات النقل والميكروباصات وأي حاجة تانية بـ تعكس
ثقافتنا الشعبية المصرية.

المحل في الزمالك دور واحد ومكان العرض صغير جداً معروض فيه تي- شيرتات
رجالي وحريمي وأطفال على أرفف وفيه منهم متعلق على شماعات، المقاسات الكبيرة
أسعارها 130 جنيه للتي – شيرت والأطفال بـ70 جنيه. التصميمات متنوعة وعارضة فترات
زمنية مختلفة زي صور أم كلثوم وكلمة “مصر” مكتوبة بالعربي على غير العادة ودي حاجة مميزة وفريدة و«زفير» أول من ابتدوا يعملوها، ومجموعة عليها شعارات السلام والخير وكله مكتوب بالعربي، ومن أشهر
التصميمات رسم لشعار كتاب “سلاح التلميذ” والولد والبنت ماسكين بنادق
ومسدسات، وشعار “الشبشب أبو صباع” موجود على لبس كتير قوي في «زفير» لدرجة
إنه بقى يستخدم كـ لوجو على التي- شيرت، حاجات زي دي طبعاً ما يتحكيش عليها إنما
لازم تتشاف عشان تفهم الجانب الفكاهي في الموضوع.

و تأكيداً على مصرية الموضوع ككل، المحل بـ يستخدم شعار 100% مصري والمنتجات 100%
قطن مصري. التي – شيرتات بـ تيجي بألوان كتير وكل المصممين
اللي عاملين الرسومات واللوجوهات مصريين. المعروضات مقصود بيها إنها تخلق نوع جديد
من أفكار الأزياء اللي يكون ليها علاقة بالمكان اللي إنت فيه وإنك تبقى ماشي عكس
التيار ومش لابس حاجة مكتوب عليها بالإنجليزي و إنت مش مركز إيه المكتوب أو معناه
إيه! والجروب الخاص بالمحل على الفيسبوك بـ يأكد ده ومستخدم شعار
“ببساطة تي- شيرتات بـ تتكلم معانا عنِّنا”.

إحنا معجبين بحيويتهم وروحهم وإستمتاعهم بالمشروع اللي بـ يعملوه، بس 130
جنيه على تي- شيرت واحد وممكن يكون التصميم مش ظريف أو دمه مش خفيف زي ما المفروض
يكون – فيه تصميمات مش بـ تنجح خالص بـالمناسبة – يبقى غالي شوية خاصة إن مفيش فرق
في الأسعار بين تصميم والتاني، كله سعر واحد.

التشكيلة نفسها مش كبيرة قوي
وممكن تبقى عايز تشتري بس عشان عجباك الفكرة وحابب تدعمها إنما مش عشان روعة
المنتج نفسه. وعشان مانكونش ظالمين المكان على الآخر الموظف اللي في المحل قالنا
أن المجموعة المعروضة من حاجات السنة اللي فاتت وإن في الأسابيع اللي جاية هـ ينزل
معروضات الموسم الجديد اللي بـ نتمنى تكون مغرية أكتر.

نصيحة 360

أدخل على صفحتهم على الفيسبوك عشان تشوف أحدث التصميمات وماتنساش أن منتجاته بـتـ تباع كمان في محل «أم الدنيا» اللي في وسط البلد.

أحسن حاجة

«زفير» بـ يعمل حركة إبداعية ثقافية مصرية من خلال الملابس.

أسوأ حاجة

أنه مجرد تي– شيرت بعد كل حاجة! و ممكن ما يليقش على أي حد بتصميماته الغير العادية.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح