The Definitive Guide to Living in the Capital , Cairo , Egypt

زون زون – Zone Zone

زون زون: ملابس لكل أفراد الأسرة وبأسعار خرافية في المعادي

تم التقييم بواسطة
Nagla Ashraf
قيم
قيم الآن
زون زون: ملابس لكل أفراد الأسرة وبأسعار خرافية في المعادي

محلات كثيرة اللي بـ تبيع حاجات بواقي تصدير، انتشرت في الفترة الأخيرة بالذات في شارع زهراء المعادي، اللي كل شوية نروح محل منهم ونشوف أخباره إيه. دخلنا محل "زون زون – Zone Zone" واكتشفنا أنه مقسم لثلاثة أقسام: أطفال وده اللي بـ تدخل منه لباقي الأقسام، وقسم رجالي ونسائي.

نبدأ بالقسم النسائي، اللي متنوع ما بين لبس للخروج ولبس رياضي ولبس بيت، عجبنا فيه اللبس الخاص بالخروج جاكيت أسود طويل لحد الركبة وقطن سادة، وسعره كان 75 جنيه، وكان فيه زيه جاكيت قطن بس قصير لحد الوسط كده، وسعره 55 جنيه بس، وفيه منه كل الألوان.

كمان عنده مجموعة جيبات حلوة، منها السادة الأسود وكانت نازلة مستقيم مافيهاش تكسيرات، وسعرها 77 جنيه، وجيبة ثانية لونها بيج وفيها تكسيرات بسيطة من عند الوسط علشان تدي وسع، وسعرها 99 جنيه. وكان فيه الجيبات اللي طلعت موضة من فترة، اللي هي منقطة أسود في أبيض أو بيج في بني، وكانت بـ 95 جنيه، وفيه منها ألوان مختلفة.

بس اللي كان ملفت للنظر مجموعة البنطلونات الملونة وماليانة ورود، وكان في منها كل الألوان، وبـ 70 جنيه. أما عن قسم ملابس المنزل فكان عنده مجموعة كبيرة جدًا من البيجامات، كل الأشكال اللي ممكن تتخيلوها، من شخصيات كارتونية مرسومة أو سادة، وكل الموديلات نصف كم وكات وبحمالات، وكان فيه قمصان نوم كمان. عجبتنا بيجامة نصف كم مرسوم عليها "تويتي" لونها تركواز، وكانت بـ 75 جنيه. وكان فيه بيجامة بحملات خفيفة وقطن مع بنطلون بـ 104 جنيه.

أما بالنسبة لقسم الملابس الرياضية، فكان عنده بنطلون أسود خفيف قطن بـ 66 جنيه، وواحد أسود برضه بس خامته أثقل بـ 75 جنيه. وكمان كان فيه طقمAddidas ، تي شيرت نصف كم وبنطلون أسود بـ 109 جنيه. وبالنسبة لقسم الأطفال فهو كان مليان بيجامات ولبس خروج وشرابات صغيرة للأطفال اللي لسه مولودين، وقمصان وبنطلونات وفساتين لكل الأعمار.

عجبنا فستان رقيق قوي عليه رسمة ميني ومنقط أبيض في أسود، وكان بـ 60 جنيه بس. وأغلب القطع الثانية ما بين قمصان وبنطلونات فكانت بحوالي 75 جنيه وبـ تختلف من السن والشكل والخامة طبعًا.

نصيحة 360

القسم الخاص بملابس البيت هناك تحفة.

أحسن حاجة

الأسعار القليلة.

أسوأ حاجة

أن التنوع قليل في أذواق الملابس.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح