The Definitive Guide to Living in the Capital , Cairo , Egypt

فلويد ميوزيك ستور – Floyd Music Store

فلويد: آلات موسيقية وإيقاعية في الدقي

تم التقييم بواسطة
Waleed Abuarab
قيم
قيم الآن
فلويد: آلات موسيقية وإيقاعية في الدقي

في ميدان المساحة في الدقي في عمارة في الدور الثاني هـ تلاقي محل «فلويد – Floyd»
للآلات والإكسسوارت الموسيقية وأدوات ستوديوهات الصوت ولوازم حفلات. مافيش واجهة
للمحل ممكن تشوفها وأنت ماشي في الشارع، هي يافطة صغيرة على مدخل العمارة من تحت،
وحجمها صغير كمان. يعني لازم تبقى رايح وعارف بالضبط مكان المحل، أو تركز على
مداخل العمارات في ميدان المساحة، وعمومًا هو قريب من «ماكدونالدز» اللي هناك
جدًا.

المحل مساحته صغيرة، وهو أقرب لـ “تقفيلة” بالزجاج أكثر من كونه
محل، لكن كم المعروضات والمعدات اللي فيه كبير جدًا ومنتشرة في كل حتة في المحل
لدرجة أنك هـ تلاقي صعوبة تقف بالداخل وتستعرض أي حاجة، يعني زبونين كفاية
قوي يكونوا بالداخل في وقت واحد. ودي ميزة وعيب لأن التنوع في المعروضات هنا غير
عادي ده غير الموجود في المخازن.

جيتارات كل الماركات والموديلات، الإلكتريك فيه منه Jackson، LTD، Dean، Yamaha، Fender
Squire و وفيه Fender أمريكي بسعر 9600 جنيه. كل موديلات Ibanez ومنها اللي عليه إمضاء Steve Vai. وهنا بس ممكن تلاقي جيتار Ibanez Rg
7321 7 أوتار بسعر 3400 جنيه، باللون
الأسود المميز. الأكوستك أو الكلاسيك فيه منه ياماها عادي وموديلات من Castillo
 و Takamine المفضلة لعازفي
الفلامنكو بأسعار بـ تتراوح بين 2500 و 3000 جنيه.

الباص جيتار عمومًا ناقص في الأسواق، لكن «فلويد» عنده تشكيلة كبيرة من الباص
الإلكتريك وممكن يجيب لك الأكوستك حسب الطلب، وفيه كل أنواع الـ Guitar
Effects  وبدالات الصوت والوصلات الخاصة بها
والأمبليفايرات الـ Line 6 والميكسرات. والأسعار
هنا متغيرة وأحيانًا هـ تسأل على أسعار حاجات العاملين في المحل مش هـ يبقوا
فاكرين السعر بالضبط وهـ يطلب منك تسيب تليفونك أو تتصل به وقت معين علشان تسأل
على القطعة اللي أنت عاوزها، وده لأن المعروضات كثير جدًا، والمحل كمان شغال
بالطلب، يعني ممكن تحدد أي حاجة وهو يحضرها لك خلال أيام قليلة، لأنه شغال كمان في
بيع وشراء المستعمل.

عجبنا في «فلويد» أنه مهتم جدًا بالآلات الإيقاعية والدرامز وإكسسواراته.
كل موديلات النحاسات وأحجامها، سواء أطقم كاملة زي الـ Zildjian ZBT  بـ 2500
جنيه، و طقم Paiste  بـ 1200 جنيه. وفيه كل قطع النحاسات بشكل منفرد
زي الـ China والـ Splash بمقاسات مختلفة، وكمان عنده قطعة فاكتوري ميتال بسعر
130 جنيه. والأهم أن عنده كل لوازم الـ Percussion والطبول والـ Cowbells وغيره.

ميكروفونات وسماعات ووصلات وأسلاك وأوتار وستاندات وأحزمة وشنط جيتار
وأدوات تنظيف آلات، الفكرة أن مافيش مجال هنا نكتب عن كل حاجة شفناها وعجبتنا في
فلويد، اللي نقدر نقوله أنه فعلًا من أهم محلات الأدوات الموسيقية (خاصة الروك) في
كايرو، وعلشان ما تتعبش في المشاوير وتروح تدور على حاجة أنت مش متأكد هـ تلاقيها
ولا لأ ممكن تدخل على صفحة المحل على الفيسبوك وتكتب سؤالك وهم هـ يردوا
عليك فورًا.

نصيحة 360

صفحة الفيسبوك نشطة جدًا وعليها عدد كبير من الناس، يعني ممكن تبيع وتشتري من خلالها بسهولة.

أحسن حاجة

مافيش حاجة اسمها مش موجود، دائمًا هـ يحاول يوفرلك اللي أنت عاوزه.

أسوأ حاجة

المساحة صغيرة قوي ومش هـ تبقى على راحتك لو حابب تجرب الآلات والأصوات.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح