The Definitive Guide to Living in the Capital , Cairo , Egypt

فوستك – Fostok

فوستك: ملابس بسيطة ورخيصة في الزمالك

تم التقييم بواسطة
Sarah Glon
قيم
قيم الآن
فوستك: ملابس بسيطة ورخيصة في الزمالك

بـ تدور على تقليد طبق الأصل ومش غالي لماركات ملابسك
الكاجوال المفضلة؟ روح لـ «فوستك» الموجود من زمان في شارع محمد منصور في الزمالك.
أهم ميزة أن أسعاره على قد الجيب، وبـ يعرض ملابس رجالي وحريمي وأطفال كاجوال بسيطة
للاستخدام اليومي، وفيه تشكيلة من التي شيرتات بأكمام طويلة ونصف كم وبنطلونات
وجينزات، وبيجامات وملابس خروج ثانية بألوان كثيرة وخامات جيدة وطبعات ظريفة.
المكان مثالي لشراء الملابس الأساسية اللي لا يخلو منها دولاب! وعنده تقليد ممتاز
لماركات زي Bebe
وExpress وTommy Hilfiger وCalvin Klein وLacoste وغيرها.

فيه 3 أماكن بروفات للملابس فيهم مرايا، وستائر القياس
مالية المكان، وفيه مجموعة قليلة من البنات موجودين للمساعدة، بس مش هـ يحاولوا
يعرضوا خدماتهم إلا لو أنت طلبت منهم. التي شيرتات والبنطلونات مرصوصة من الأرض
للسقف، خلي معاك فلوس كثير وطاقة لـ اللف والتدوير وأي مزيكا في ودانك علشان ما تزهقش،
وخليك متأكد أنك هـ تلاقي دائمًا معروضات لُقطة.

ممكن ببساطة تقضي ساعة بس بـ تدور في المعروضات لحد ما
تلاقي حاجة مناسبة لك، ومعظم قطع الملابس معمولة من القطن الناعم بنسب متفاوتة،
والاهتمام هنا مش بالخامة قد ما هو بالشكل، يعني القطعة ممكن تعيش معاك موسم أو
اثنين بالكثير، بس مش مشكلة بما أن أعلى سعر قطعة في المحل مش هـ يعدي 150 جنيه.

ملابس الأطفال والبيبي أسعارها بـ تتراوح من 18 لـ 50
جنيه، وأسعار التوب الحريمي من 40 لـ 100 جنيه، وأي بنطلونات حريمي أو جينز بـ
تكون ما بين 100 وآخرها 150 جنيه.

واتفاجئنا لما لقينا عند «فوستك» بنطلونات رمادي كلاسيك
تنفع للمكتب اللي شبه الأصلي منها في Express ولها نفس
القصات، ودي كانت بـ 130 جنيه بس! وكانت من أحسن الحاجات اللي شفناها في المحل، لُقطة
من الحاجات اللي لازم تقلب المحل علشان تلاقيها، وفيه منها كمان رجالي بأسعار ما
بين 80 لـ 150 جنيه. الفلوس اللي هـ تدفعها هـ تأخذ قصادها بضاعة، الكم هنا أهم من
الكيف، وما تتوقعش أنك تلاقي أشيك حاجة هنا، الأساسيات وبس.

نصيحة 360

المحل قريب من «ألفا ماركت» وشوية محلات ثانية هـ تخلي الركنة صعبة جدًا هناك، أركن أحسن أمام «هارديز» وخلي معاك شوية فكة للسايس.  

أحسن حاجة

تقليد أحسن الماركات بأسعار رمزية.

أسوأ حاجة

بعد ما قضينا شوية وقت بـ نلف في المحل، حسينا بعدم الراحة وأن المكان "مكربس" بزيادة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح