The Definitive Guide to Living in the Capital , Cairo , Egypt

تسوق
فولي فولي – Folli Follie

فولي فولي: فضيات شيك ومطرقعة في القاهرة

  • 17 شارع 216
  • إكسسوارات
  • 10 صباحاً - 10 مساءً -
تم التقييم بواسطة
Janan Omar
قيم
قيم الآن
فولي فولي: فضيات شيك ومطرقعة في القاهرة

يمكن المعادي مش أول مكان بـ نفكر
فيه لما بـ نكون عايزين نتسوق، بس سكان المعادي نفسها عارفين أماكن معينة بـ يحبوا
يروحوها لما بـ يكون عندهم مناسبة خاصة. «فولي فولي- Folli Follie» واحد من الأماكن
دي.

«فولي فولي» له 5 فروع فى مصر
وفرعين ثانيين هـ يفتحوا قريب فى «مدينة الجولف» و«داندى مول». محل إكسسوارات ومجوهرات
عالمي له فروع فى مصر وبـ يقدم للسيدات فى مصر مجوهرات وإكسسوارات فريدة وجميلة بألوان
رائعة.

المحل علامته واضحة ومميزة ولونها
برتقالي، وفى فرع المعادي هـ تلاقوه ما بين مكتبة «ﭬوليوم وان- Volume One» ومحل «كونكريت-
Concrete». وهو مش جديد
بس هو بـ يحاول يحافظ على رونقه علشان ده مهم جدًا في محلات المجوهرات والإكسسوارات
وهو اللي بـ يخليها جذابة للناس، وأول ما تدخل المحل هـ تعرف سر نجاحه على طول.

«فولي فولي» بـ يقدم مجموعة
متنوعة من المجوهرات والإكسسوارات الجديدة وشنط شكلها عصري وجديد لكن للأسف أسعار
المحل غالية شوية. تصميمات الإكسسوارات داخل فيها كريستال ملون أو بلونه الطبيعي،
مافيش أحجار كريمة فى المجوهرات أو الإكسسوارات المُباعة في المحل. وعنده تصميمات
مميزة غير موجودة في أي حتة ثانية٬ وعنده حاجات لكل الأعمار.

فيه مجموعة من التصميمات للناس اللى
بـ تحب الألوان فى مجوهراتهم، هـ تلاقى حلقان وعقود عبارة عن كريستال ملون جوه
إطار فضة ودي أسعارها بـ تبدأ من 200 لـ700 جنيه، فيه مجموعة ثانية معمولة من
اللؤلؤ ولها طابع أنثوي أكثر، وآخر مجموعة معمولة من مجوهرات متكلفة أكثر وبـ
تناسب السيدات الكبار أكثر.

كف فاطمة وعين الحسود موجودين في «فولي
فولي» على عقود أو أساور أو حلقان. وممكن تشتري أسورة شيك من المجموعة دي بـ180 جنيه.

بإختصار، لو لقيت نفسك مش عارف
تجيب هدية فى عيد الأم أو أي مناسبة ثانية «فولي فولي» هو المكان، هـ تروحه وتجيب
منه هدايا في كل المناسبات لكل السيدات فى حياتك.

نصيحة 360

سيب مع القائمين على المحل نمرة موبايلك علشان يبعتوا لك معلومات عن المجموعة الجديدة والعروض الجديدة أول ما تنزل.

أحسن حاجة

المجوهرات حلوة قوي ومبهجة، وله فروع كثيرة فى كل القاهرة.

أسوأ حاجة

خبرتنا مع البائع فى المحل ما كانتش كويسة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح