The Definitive Guide to Living in the Capital , Cairo , Egypt

تسوق
فيرو مودا – Vero Moda

فيرو مودا: ملابس حريمي بسيطة من ماركة الأزياء الدانماركية في كايرو فيستفال سيتي

  • داخل كايرو فيستيفال سيتي
  • ملابس حريمي
  • 10 صباحًا - 11 مساءً -
تم التقييم بواسطة
Aliaa Serry
قيم
قيم الآن
فيرو مودا: ملابس حريمي بسيطة من ماركة الأزياء الدانماركية في كايرو فيستفال سيتي

يوم بعد يوم، بـ يكون من الصعب أنك تقابلي محل وسط مشهد التسوق القاهرة الحالي فيه لبس يجمع بين الجودة والسعر المعقول، الموضوع بـ يكون أصعب وأصعب لما تدوّري على حاجة خفيفة للصيف وتكون بعيدة عن الشكل التقليدي للبلوزات القصيرة، وده للأسف صعب تقابليه في العاصمة لأسباب كلنا عارفينها.

في رأينا أن فيرو مودا – Vero Moda، الموجود في مول كايرو فيستيفال سيتي اللي بـ يكبر كل يوم عن الثاني، يعتبر أبرة وسط كوم قش، بمجموعته العملية اللي تجمع بين الجودة وفي نفس الوقت الأسعار المعقولة علشان إحنا مش في حمل صدمات لو سمحت.

المحل كبير نوعًا ما ومكانه جنب محلهم الرجالي "جاك & جونز – Jack & Jones"، مع درجات ألوان مبهجة من الأبيض والسمني، مع لون أسود بسيط، التصميم العام للمكان ساعد أن تركيز الناس يكون كله رايح للمعروضات الجذابة.

لفت انتباهنا بسرعة عرض من بنطلونات jeggings بألوان متنوعة معروضة بشكل أنيق وسط المحل، بعدها روحنا على قسم السمارت كاجوال، وهناك شوفنا Top واسع أسود بدون أكمام من الشيفون بتطريزة فضية أنيقة على الرقبة (365 جنيه) وقعنا في غرامه في ساعتها. بعد كده وقعت عيوننا على فستان قصير مزين بالدانتيل لونه وردي بودرة (465 جنيه) كان مبهر بشكل مش طبيعي.

نروح على 'Only'، وهو خط أزياء فيرو مودا الشبابي، وفيه شدتنا جيبات طويلة فضفاضة (400 جنيه)، مع Tops من الدانتيل بأكمام قصيرة (159 جنيه) وتي شيرتات وبلوزات قطن مريحة، تقدري كمان تلاقي عدد بسيط من الجينزات السكيني والستريت، مع عدد من الفساتين الطويلة والكارديجان المريحة.

طوال وقت زيارتنا موظف البيع كان قريب مننا في حالة احتاجنا مساعدته في توفير قطعة على مقاسنا وإيه الحاجة المناسبة أكثر، المهم أننا طول ما طلبناش مساعدته، بـ يسمح لنا بالتمشية بحرية وسط المحل من غير أي إزعاج.

على العموم، فيرو مودا في رأينا محل عملي جدًا لو بـ تفكري في حاجة كاجوال، وكمان لو عاوزة حاجة قريبة من الرسمي شوية تكون أنيقة وبسيطة، وأهم حاجة طبعًا تكون ضيف خفيف على ميزانيتنا، وسط موظفين ممتازين وجو عام مريح، المحل فعلاً بـ يقدم تجربة تسوق هائلة.

نصيحة 360

فيرو مودا له فروع ثانية في القاهرة في هليوبوليس و6 أكتوبر والمعادي والمهندسين والعبور وكمان الإسكندرية.

أحسن حاجة

وقعنا في غرام القطع البسيطة والأنيقة في نفس الوقت.

أسوأ حاجة

عدد من المعروضات عادية جدًا لدرجة أنها كانت مملة وتقليدية جدًا.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح