The Definitive Guide to Living in the Capital , Cairo , Egypt

فيكتورياز سيكريت – Victoria’s Secret

فيكتوريا سيكريت: عطور وحاجات جميلة فى سيتى ستارز بهليوبوليس

تم التقييم بواسطة
Jessica Noble
قيم
قيم الآن
فيكتوريا سيكريت: عطور وحاجات جميلة فى سيتى ستارز بهليوبوليس

رغم كل الظروف الاقتصادية المحيطة بمصر، الماركة العالمية الشهيرة قررت تشق طريقها وسط العدد الرهيب من محلات القاهرة. مع أكثر من 1000 فرع داخل أمريكا لوحدها، بدأت “فيكتوريا سيكريت – Victoria’s Secret” فى حملة توسع عالمية. بعد شهور من الترقب، أخيرًا فتح الاسم الشهير محل صغير فى سيتى ستارز، وبكده منتجات فيكتوريا سيكريت أصبحت مش مجرد منتجات مستوردة.

شهرتها الأكبر نتيجة لخطوط أزيائها من اللانجيري وملابس البيت، ودلوقت توسعت لتشمل كل أنواع الملابس الحريمى مع مجوعة خاصة جدًا من مستحضرات التجميل. المشكلة فى الموضوع أن فرع سيتى ستارز مركز على الإكسسوارات والجانب الجمالى للمعروضات، مع مجموعة بسيطة لكن متنوعة من الملابس الداخلية (+115 جنيه). بديل ثانى هو أرفف مليانة عطور وكريمات للجسم، والعطور تحديدًا كانت كثيرة جدًا لدرجة صعبت الاختيار بينهم.

أول ما دخلنا من بوابة الفرع بين جهاز الأمن، عرضوا علينا عينة من عطرهم الجديد، هارت بريكر Heartbreaker بسعر 625 جنيه برائحة الزهور اللطيفة. عدد من الكريمات رائحتها تحفة شدت انتباهنا منها مجموعتهم المشهورة سيكريت أنجيل ‘Secret Angel بسعر 275 جنيه بس رائحتها ثقيلة حبتين. علب هدايا كبيرة ملفتة للانتباه فيها مجموعتهم ويذ لوف ‘With Love’ المكونة من غسول للجسم، كريم، عطر وزجاجة عطر صغيرة، سعر المجموعة 895 جنيه، وبكده تعتبر هدية مثالية لشخص مميز.

معروض لنهاية المحل عدد كبير من الشنط، المحافظ، شنط الماكياج وإكسسوارات ثانية لطيفة. الغالب على المكان الألوان البناتى الصارخة، بمجموعة من الألوان المبهجة، صور الحيوانات والترتر لإرضاء الأذواق المطرقعة. شنطtote bags  الممتازة فى خروجات البحر، سعرها يزيد عن 350 جنيه، و فى نفس الوقت شنط أجازات عليها أشكال، سعرها 795 جنيه وشنط ترولّى كبيرة ثمنها 1950 جنيه.

شنط الماكياج سعرها حوالى 475 جنيه ومجموعة من خمس فرش داخل جراب سعرهم 345 جنيه، أمّا شنطة بسيطة لأساسيات الماكياج فكان ثمنها 225 جنيه. شنط يد مستطيلة من الجلد باللون الوردى الفاتح حجمها كبير وسعرها كثير شويتين (1150 جنيه)، أما بالنسبة لمحافظ التليفونات والكروت، سعرها كان أقل شوية (1025 جنيه). شنط موبايل جلدية عليها شعار VS بسعر 375 جنيه وجرابات أى باد (545 جنيه).

لاحظنا كمان وجود إكسسوارات للسفر، منها جراب لجواز السفر (345 جنيه) وشواحن جذابة بس غالية داخل علبة مميزة بسوستة (475 جنيه). موجود كمان عدد بسيط من نظارات شمس ماركة فيكتوريا سيكريت للبيع، سعرها يبدأ من 400 جنيه.

رغم إحباطنا لعدم وجود تشكيلة مناسبة من ملابسهم الداخلية العظيمة، ملكات الجمال يقدروا يستمتعوا بمجموعة عطور وكريمات فيكتوريا سيكريت الشهيرة. الأسعار الموجودة كانت غريبة شوية وثقيلة على الجيب، بس لو بـ نتكلم على احتياجنا للدلع من فترة للثانية، فيكتوريا سيكريت أكيد من الأماكن المهمة.

نصيحة 360

خلال أيام حظر التجول، مواعيد الإغلاق بين 4:30 و5 مساءً.  

أحسن حاجة

تشكيلة فيكتوريا سيكريت العريضة من العطور.

أسوأ حاجة

قلة عدد المعروض من خط الملابس الداخلية الشهير VS.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح