The Definitive Guide to Living in the Capital , Cairo , Egypt

تسوق
فيكتورياز سيكرت – Victoria’s Secret

فيكتوريا سيكريت: فرع كايرو فيستيفال سيتي وفى حق ماركة اللانجيري العالمية

  • داخل كايرو فيستيفال سيتي - القاهرة الجديدة
  • 10 صباحًا - 12 مساءً -
تم التقييم بواسطة
Aliaa Serry
قيم
قيم الآن
فيكتوريا سيكريت: فرع كايرو فيستيفال سيتي وفى حق ماركة اللانجيري العالمية

مشهد التسوق القاهرة بغرابته وروعته بـ يرحب أكثر وأكثر بالماركات العالمية اليومين دول، وواحد من الأسماء اللي بـ تثير حماس عشاق التسوّق هو فيكتوريا سيكريت Victoria's Secret اللي فتح في كايرو فيستيفال سيتي القاهرة الجديدة.

خلينا نوضح حاجة مهمة قبل ما نبدأ، الإعلانات قالت أنه أول فرع يوصل مصر، والكلام ده غلط، علشان أول فرع من فروعه كان محل صغير في سيتي ستارز سنة 2013. طبعًا الفرع ده كان عرضه صغير وأغلبها مستلزمات تجميل وعطور أكثر من اللانجيري، لكن إحنا بـ نؤكد لك أن فرع كايرو فيستيفال سيتي مختلف.

أول حاجة هـ تلاحظيها في فرع كايرو فيستيفال سيتي مساحته الرهيبة، في وجود فيكتوريا سيكريت، وماركتهم الثانية "بينك –PINK" جنب بعضهم. دخلنا فيكتوريا سيكريت في الأول، وحسينا بالإثارة فورًا؛ أرضيات من الرخام الأسود، يافطات وردي مثيرة، صور أبيض وأسود لعارضات فيكتوريا سيكريت في كل مكان، وعلى الترابيزات زينة من أجنحة ريشية مع موسيقى صيفية لطيفة، وكلها حاجات بـ تعكس إثارة الماركة.

من ناحية المنتجات المعروضة، المحل بـ يتكلم عن نفسه، بمجموعة كبيرة من المنتجات خرافية الجودة. شوفنا حاجات عملية منها غيارات داخلية دانتيل (360 جنيه) وحمالات صدر للتي شيرتات بدرجات اللون البنفسجي المثير (395 جنيه). قطع ثانية فخمة أكثر لو عاوزة تدلعي نفسك -أو حد ثاني- تشمل غطاء مبطن للعين بألوان أسود، أبيض، ووردي مكتوب عليه 'No Peeking' بـ 275 جنيه، وروب عرائس أبيض من الساتان (695 جنيه).

تشكيلة كبيرة من العطور موجودة في منتصف المحل، وفيه ممكن تجرب أشهر عطور فيكتوريا سيكريت اللي تشمل Victoria، Scandalous، Bombshell on Bloom وAngels Only، وطبعًا جربناها كلها.

دخلنا يمين، وهناك لاقينا نفسنا في مكان هادئ أكثر وإضاءته أقوى وهو "بينك –PINK "، ومعروض فيه مجموعة شبابية أكثر بإمضاء فيكتوريا سيكريت، الحقيقة أن بينك أكثر من مجرد لانجيري. شوفناsweatshirt  مريحة لونها كريمي (500 جنيه) وsweatpants واسعة (700 جنيه) مع tank tops بـ (200 جنيه) وحمالات صدر رياضية (350 جنيه)، أو بمعنى أصح مجموعة "أنا مش في مزاج أعمل مجهود النهارده".

الموظفين بلبسهم الأسود الموحد، هـ تشوفيهم بـ يتمشوا وسط المحل وجاهزين للمساعدة، وقدروا بأسلوبهم الهادئ يحسّنوا أكثر من تجربة التسوق. بعد إحباطنا من فرع سيتي ستارز، فرع فيكتوريا سيكريت مع بينك في كايرو فيستيفال سيتي أخيرًا بـ يقدموا لكل السيدات في القاهرة كل اللي نفسهم فيه. المعروضات مترتبة بشكل مبهر والموظفين هائلين، ومافيش أي نوع من أنواع التطفُّل.

نصيحة 360

ادخل على نقد فرع فيكتوريا سيكريت سيتي ستارز، الموضوع مش لدرجة أن الناس عاوزة تنسى أنه موجود أصلًا.

أحسن حاجة

أخيرًا قدرنا نوصل لكل منتجات فيكتوريا سيكريت من غير ما نسافر لآخر الدنيا.

أسوأ حاجة

الأسعار غالية بالمقارنة بدول ثانية.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح