The Definitive Guide to Living in the Capital , Cairo , Egypt

كابرون نيتس – Kaprun Knits

كابرون نيتس: إكسسوارات يدوية ملفتة على المتجر الإلكترونى فى القاهرة

  • محل أونلاين فقط
  • إكسسوارات
  • 01202926294
  • 9 صباحًا: 9 مساءً
تم التقييم بواسطة
Aliaa Serry
قيم
قيم الآن
كابرون نيتس: إكسسوارات يدوية ملفتة على المتجر الإلكترونى فى القاهرة

كلنا عارفين أن مع دخول جو الشتاء المرعب، كل اللى بـ نحتاجه هو شوية بطاطين تحمينا من البرد. البطاطين دى صحيح ممتازة لحمياتنا من الصقيع، لكنها مش مقبولة من وجهة نظر الموضة، أو حتى المجتمع، من هنا، قررنا نتفرج على "كابرون نيتس – Kaprun Knits"  بحثًا عن أشكال شتوية مناسبة.

المصممة فيكتوريا كالينينا بـ تعرض منتجاتها اليدوية الصنع على كل منصات التواصل الإلكترونى من منتجات كروشيه متنوعة. من مجموعة كبيرة من الكوفيات المضفرة (400 جنيه) لأغطية رأس مريحة (420 جنيه) وكوفيات بشراشيب (390 جنيه)، مع غطاء (90 جنيه) وقواعد للأكواب، بالإضافة لبندانات رأس (180: 200 جنيه)، وكلهم تقدرى تلاقيهم على حسابات المتجر المُصممة بشكل فنّي على إنستجرام وفيسبوك، كمان بـ يقدموا ربطات عنق (95 جنيه)، وبندانات رأس للأطفال (130 جنيه).

قررنا نتواصل مع فيكتوريا ونطلب منها باندانا للرأس من الصوف، وفورًا وصلنا ردّها. بعد ما ناقشنا مع المصممة اللطيفة الاختيارات المتاحة، استقرينا على باندانا عنّابى متوسطة الحجم (180 جنيه). أكثر حاجة عجبتنا كانت المرونة فى اختيار اللون، وكمان الحجم. الألوان المتوفرة عددها لا نهائى، من درجات قوية من البرتقالى، البنى والأحمر لدرجات ألوان خفيفة من الأزرق، والرمادى، والبنفسجى والأخضر مع ألوان ثانية متعددة.

طلبنا كان جاهز للتسليم بعد ما اتفقنا بيومين، واستلمناه من مقر فيكتوريا الرئيسي فى هليوبوليس. بعد ما شوفنا التعبئة، تأكدنا أننا فى انتظار مفاجأة رائعة داخلها؛ الباندانا كانت مُزيِّنة بأشكال الكريسماس المحبوبة مع كتابات يدوية جميلة.

الباندانا قدرت مش بس تحقق توقعاتنا، لكنها كمان تجاوزت المرحلة دى، مقاسها كان مضبوط، وتحسها مريحة لكن فى نفس الوقت مُستقرة فى مكانها. اللون كان بالدرجة اللى تخيلناها.

كابرون نيتس اسم إلكترونى ساحر عنده قدرات مميزة؛ أى صور هـ تشوفيها من منتجاتهم الرائعة أكيد تقدرى تطلبيها. عجبنا عندهم دقة المواعيد وطريقة تغليف كل حاجة بأبسط وأجمل الطرق اللى شوفناها فى حياتنا، أكيد هـ نتابع صفحتهم باستمرار، ومنتظرين على نار تصميماتهم الجديدة.

نصيحة 360

تابعوا حساب كابرون نيتس على إنستجرام حتى لو بدون هدف.

أحسن حاجة

منتجات شيك ومريحة، تركيبة صعب توصل لها فى القاهرة.

أسوأ حاجة

خدمة التوصيل كانت هـ تخلّى الموضوع أسهل.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح