The Definitive Guide to Living in the Capital , Cairo , Egypt

كلرز – Colors

كلرز: مكياج وكريمات وهدايا بألوان وأذواق مختلفة في مصر الجديدة

  • 20 شارع الحرية
  • صحة وتجميل
  • 0226905223
تم التقييم بواسطة
Engy Azzam
قيم
قيم الآن
كلرز: مكياج وكريمات وهدايا بألوان وأذواق مختلفة في مصر الجديدة

كان اختيار صاحب محل «كلرز» للاسم ده اختيار موفق، وده
لأنه بـ يعكس بالظبط هوية المكان اللى بـ يبيع أدوات وخامات التجميل، وكريمات
العناية بالبشرة، وجيل شاور، ولوشن العناية بالجسم بماركات وأحجام مختلفة، يعنى من
أول الشعر لحد أظافر القدم.

يعنى لو كنتي خبيرة تجميل أو واحدة بـ تهتم بشكلها
الخارجى وبـ تحبي تختارى من بين تشكيلة كبيرة من الماركات العالمية للمكياج زى
“ماكس”، و”مابيلين”، و”إيف سان لوران”،
“ريفيلون”، و”بورجوا”، ومتوفر منها جميع الأنواع بأسعار
مختلفة، يعنى مثلاً أقلام الكحل المطفى منها واللامع واللى بـ تتراوح أسعارها بين
40 إلى 90 جنيه، والآى لاينر اللى بـ يبقى على شكل قلم أو ريشة وجيل منفصل عنه وده
سعره بـ 95 جنيه، وأحمر الشفاه بألوان خطيرة 
وسعرها يبدأ من أول 70 جنيه، وملمع الشفاه، وأحمر الخدود، وكريمات الأساس،
وبودرة الأساس السائلة، والماسكرا وفيه منها الاثنين فى واحد زى ماسكرا XXL الشهيرة من إنتاج
“مابيلين” وسعرها 95 جنيه، ومصحح العيوب، والآى شادو الكريمى والصلب.

مش بس كده، لأ بـ يبقى عندك الفرصة أنك تكتشفى ماكياج
جديد ما شوفتيهوش قبل كده، زى مثلاً أقلام الكحل اللى بـ يبقى نصفها قلم كحل،
والنصف الثانى مظلل بـ يوزع لون الكحل نفسه، وسعره 70 جنيه من إنتاج مابيلين برضه،
أقلام الحواجب وماسكرا الحواجب.

طبعًا مفرود للبارفانات الأصلية مساحة كبيرة في المحل
تخليكي تقدرى تبصى على أحدث الأنواع من البارفانات سواء رجالى أو حريمى، فيه حاجة
لطيفة برضه ممكن تهادى بها نفسك أو غيرك زى علبة فيها عينات صغيرة من البارفانات
وبـ تبقى فى حدود 500 جنيه.

وبالنسبة لمنتجات العناية بالجسم، فهى أشكال وألوان، فيه
معطر الجسم “البادى سبلاش” وده متوفر منه ماركة فيكتوريا سيكريت وده له رف
بحاله، وسعره 75 جنيه بروائح مختلفة، وفيه حجم أصغر لمعطر الجسم بسعر أقل، أما
كريمات العناية بالجسم فمتوفر منها العلب اللى سعرها يتراوح بين 70 و100 جنيه
وبأنواع مختلفة فيه الكيوى والمشمش والصبار واللوز.

من أجمل الحاجات اللى هـ تخطف انتباهك هى شنط فيكتوريا
سيكريت الصغيرة واللى ممكن تبقى هدية قيمة وفيها بادي لوشن وشاور جيل وسكراب
للجسم، والشنط فى حد ذاتها أشكالها جميلة ومتنوعة فيه شنطة الجلد السادة، والجلد
المطرز، والشنط الفيرنيه بألوان تليق بألون العبوات الموجودة بداخلها وأسعارها بـ تبدأ
من أول 240 جنيه، أما العلب الكبيرة اللى بـ تحتوى على البارفان نفسه زائد
مستلزمات العناية بالجسم فسعرها بـ يكون 500 جنيه، سواء الرجالى أو الحريمى، ومادام
جيبنا سيرة الهدايا فالمحل نفسه متوفر فيه علب الهدايا بأحجام مختلفة وورق لف
الهدايا.

ومش علشان “كلرز” بـ يعرض منتجات التجميل يبقى
متوقف عليها وبس، لأ هـ تلاقى ركن صغير للإكسسوارات ولشنط اللاب توب ماركة
فيكتوريا سيكريت كمان.

نصيحة 360

اتصلي بالمحل قبل ما تروحي علشان تتأكدى من المكان والحاجة اللى أنت عاوزاها.

أحسن حاجة

التنوع فى المنتجات.

أسوأ حاجة

المحل فى الدور الأرضى ممكن ما يتشافش.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح