The Definitive Guide to Living in the Capital , Cairo , Egypt

كوكو نامبر ناين – Coco No. 9

كوكو نامبر ناين: بوتيك جديد في الزمالك

تم التقييم بواسطة
Dina Mokhtar
قيم
قيم الآن
كوكو نامبر ناين: بوتيك جديد في الزمالك

ما فيش داع نكتب مقدمة طويلة عريضة عن كم البوتيكات الكثيرة اللي فتحت في كل مكان في القاهرة. وبما أننا لازم نستكشف عن أي مكان جديد، قررنا أننا ندخل أحدث إضافة لعالم البوتيكات في الزمالك وهو كوكو نامبر ناين – Coco No. 9 . المحل بيقدم مجموعة كبيرة من المعروضات اللي لها علاقة بالموضة؛ زي اللبس، الشنط والأحذية، وده اللي لاقيناه هناك في زيارتنا.

بما أننا في موسم الصيف، فكان طبيعي أننا نلاقي مايوه، وكان قطعة واحدة لونه أحمر مكتوب عليه Bae Watch، وسعره 450 جنيه. أما بقية المحل ففيه مجموعة كبيرة من الملابس من ضمنها  مجموعة من التوبات الكاروهات المنتشرة الأيام دي، واللي بتتميز بأكمامها المنفوشة، كان فيه مجموعة كبيرة منهم بأكمام وهي مفتوحة من الأمام وبتتلف على الجسم Cross وسعرهم 500 جنيه؛ الألوان المتوفرة منهم هي كاروهات أحمر، أسود وأزرق في أبيض. أما المجموعة اللي بنص كم، فسعرها 400 جنيه للقطعة؛ من ضمنهم واحد لونه أزرق سماوي له كمام منفصلة عن الكتف ومتصلة بجسم التوب نفسه من الجنب.

فيه برضه مجموعة كبيرة من القطع اللي بتتميز بأنها واسعة ومناسبة ككاش مايو؛ من ضمنها بلوزة بنص كم فوشيا (400 جنيه). أما من مجموعة البنطالونات المنقوشة الواسعة والمريحة جدًا كان موجود منهم واحد فيه ألوان كثير من ضمنها البنفسجي والأسود على أرضية لونها أصفر غامق، سعره (400 جنيه).

من القطع المميزة اللي لاقيناها هناك كان بليزر من الساتان الجزء التحتاني فيه ثنايا زي الفستان، أما الياقة فهي عبارة عن دورين من القماش (1200 جنيه)، ومتوفر منه الأبيض والأسود.

المحل برضه عنده مجموعة كبيرة من الشنط اللي مش بتخرج عن سعرين (450 – 400 جنيه)، ولكن لاحظنا أن كلهم كاجوال؛ زي مجموعة الشنط اللي بتشبه علبة بطاطس ماكدونالدز ماركة موسكينو أو على شكل علبة سجائر.

صحيح إحنا ما حسناش أن المعروضات مختلفة عن معروضات معظم البوتيكات اللي بتسوق لنفسها عن طريق الإنستاجرام، ولكن الميزة اللي ممكن تطلعي بيها من بين كل البوتيكات المتشابهة أنك لو نفسك في قطعة معينة ممكن تلاقيها في بوتيك لو الثاني القطعة خلصت منه.

نصيحة 360

تابعوا كوكو نامبر ناين على الإنستاجرام، وهما كمان بيوصلوا.

أحسن حاجة

الكوليكشن كبير.

أسوأ حاجة

الكوليكشن ما يفرقش عن أي بوتيك ثاني.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح